MAEFESO 4:16 - Ha`bari Ndjema ya I Maore

¹⁶ Ɗe ha waye ɗe umwili piya ha ukamilifu wawo waungatsiha na ufungiha hodari ha piya zifungo zilio moni mwawo. Ha izo, neka kula shiga isufanya ihazi yayo heli yalazimu, ɓasi piya umwili uhua na uhodarishiha hari mwa mahaɓa.

MAEFESO 4:16 Referans Kwoze

MAKOLOSIYA 2:19

Na waye kasudzifunga na ishitswa ilio amba ha wiyo, piya umwili wafungamaniha ha uzuri ha zifungo za mwili na yimizi yawo, uhua ha muhulio ulawao ha Mungu.

YUHANI 15:5

Wami ɗe umuzaɓiɓu, wanyu ɗe yamarahi. Mutru aɓakio hari mwa uv̄umoja na wami, na wami niɓakio hari mwa uv̄umoja na waye, uwo uv̄inga mavuna mengi. Mana neka tsi na wami, kamushindri ufanya itsokao yotsi.

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

MAEFESO 4:12

ile watwaharifu watayarishihe ha ihazi ya urumishi, pare umwili wa Kristi uundrishihe,

1 MAKORINTIYO 13:13

Ɓasi v̄anu trongo traru ɗe zilio: uaminifu, tama, na mahaɓa. Ɓadi imahususu ɗe mahaɓa.

MAEFESO 4:15

Ɓadi ha urongoa ikweli ha mahaɓa, ritsohua hari mwa piya zitrongo ha ukaɓili inamuna ya ule alio ishitswa, ne ɗe Kristi.

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

MAFILIPI 1:9

Iyo niitsahao hari mwa mamilio yangu, ɗe amba uv̄endza yanyu yendre na uzidishiha ujuzi wa kweli, na wanyu ushindra muelewe ha ukamilifu zitrongo,

MAEFESO 3:17

amba ha uaminifu Kristi aẽshi rohoni hanyu, na tsena amba musise mizi na uketsi hodari hari mwa itrongo ya uv̄endza,

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

MAEFESO 3:7

Tsifanyiha murumishi ha ineema ya irehema ya Mungu anidjaãliayo ha ndzia ya umurendreo wa ushindzi wahe.

MAEFESO 1:4

Ha uv̄umoja watru na waye, aritsahua kaɓula lidunia lilo uumbwa, pare rike watwaharifu, tsena ɓila kosa mbeli zahe. Ha uv̄endza wahe,

MAGALATWIYA 5:22

Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu,

1 YUHANI 4:16

Na wasi risujua uv̄endza Mungu alionayo na wasi, na wasi riiamini. Mungu waye mahaɓa. Na uwo aẽshio hari mwa mahaɓa, waye uẽshi hari mwa uv̄umoja na Mungu, na Mungu uẽshi hari mwa uv̄umoja na waye.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

1 MATESALONIKA 3:12

Raɓi naengedze na uzidisha uv̄endza mulionawo wanyu na wanyu, tsena na piya wasalia, mufano wa uwo rilionawo na wanyu.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

1 MAKORINTIYO 8:1

Ɓasi yahusu nyama zatolewa sadaka masanamwe, risujua amba piyasi rina ujuzi. Ujuzi, uwo uv̄inga mutru adziɓuwe, ɓadi mahaɓa, yao uhudza.

MAROMU 12:4

Mana mwili, uwo moja, ɓadi una ziga nyengi, na hazi zazo tsi moja.

1 MAKORINTIYO 10:17

Ɓasi iv̄o v̄ulio dipe moja, wasi ha uwengi watru, ra mwili moja, mana piyasi risurenga fuvu hari mwa dipe moja lilo.