MAEFESO 4:13 - Ha`bari Ndjema ya I Maore

¹³ ata mupaka riwaswili piyasi hari mwa uv̄umoja wa uaminifu na wa ujua ha kusudi uMwana wa Mungu, mauri watru waɓalihi, walingana na ishiv̄imo ya utru ukamilifu wa Kristi.

MAEFESO 4:13 Referans Kwoze

MAKOLOSIYA 1:28

Waye uwo ɗe rijudzao, ha ufahamisha kula shiumbe mwanadamu na usomedza kula shiumbe mwanadamu ha piya zihikima, ile riv̄inge kula mutru akamilishihe hari mwa uv̄umoja na Kristi.

YUHANI 17:21

ile pare piyawo wake shitru moja, mauri ɗe wawe, Ɓaɓa, namuna ulio moni hangu, na namuna wami nilio moni haho, v̄av̄o wao wajau nawake hari mwa uv̄umoja watru, ile ulemengu uamini amba univ̄eleha.

MAEFESO 4:5

Raɓi waye moja, uaminifu uwo moja, muɓaĩsho moja,

MAEFESO 4:3

Namufanye djitihadi ya usika uv̄umoja uv̄ingwao na iRoho, ha ukana iamani imufungamanisaoni.

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

MAHEƁRANIYA 5:14

Ɓadi shahula mangavu, ya watru waɓalihi, walio amba koho la unamuzi lawo lihodarishiha hari mwa trongo ya utafautisha indjema na imbovu.

MAFILIPI 3:8

Wala tsi tu, ɓadi nisuona raha piya amba hasara namoangalia ifaida yazidi ya umujua Kristi-Insa Raɓi wangu, alio amba ha siɓaɓu ya waye, tsilishi piya, tsena nisuziona piya mauri tsama, ne nimupare Kristi,

1 MAKORINTIYO 14:20

Wananyangu, musuke wanatsa hari mwa unamuzi. Hari mwa yahusu imbovu, namuke wanazaza, ɓadi yahusu unamuzi, namuke watru waɓalihi.

MAEFESO 1:23

ilio mwili wahe, ukamilifu wa Uwo akamilishao piya ha kula namuna.

MAV̄INGIZI-RISALA 4:32

iDunia ya wale waamini ifanyiha umo moja na roho moja. Kav̄waka ata mutru akorongoa amba mali yahe, yahe waye monyewe, ɓadi wakozidjimlisa piyazo.

1 YUHANI 5:20

Risujua raha amba uMwana wa Mungu aja, tsena ariv̄a iãkili ya ujua Uwo alio wa kweli. Na wasi rina uv̄umoja na Uwo alio wa kweli, ha wasi ukana uv̄umoja na uMwana wahe Insa-Kristi. Waye ɗe uMungu wa kweli, amma uhayati mukamilifu wa daima.

MAEFESO 4:12

ile watwaharifu watayarishihe ha ihazi ya urumishi, pare umwili wa Kristi uundrishihe,

MAEFESO 2:15

Azimi hatwi iSharia na ziãmuri zayo na masharutwi yazo, ile hari mwa uv̄umoja na iwaye yahe, afanye amba waili wale wake mutru moja muv̄ia ha ujisa iamani,

2 MAKORINTIYO 4:6

Mana Mungu Monyewe arongoa: «iHeu naiwaliye ishidza», awala moni na iroho yatru, ile awalise ujuzi wa utukufu wahe Mungu hari mwa isura ya Kristi.

1 MAKORINTIYO 1:10

Nisumutriani ɓari wananyangu, ha lidzina la Raɓi watru Insa-Kristi, namusike piyanyu urongozi moja, v̄usuke mitsapushiano hari mwa wanyu, ɓadi mutsanganisihe, muke fikira moja na nia moja.

YUHANI 17:3

Na uhayati mukamilifu wa daima ɗe wao uhujua, wawe ulio weke Mungu wa kweli, na umujua uwo wamuv̄eleha, Insa-Kristi.

YUHANI 16:3

Watsofanya namuna iyo mana kawamujua Ɓaɓa, wala wami.

MATIYO 11:27

Piya trongo tsiv̄olwazo na Ɓaɓangu, na kav̄u ajuao uMwana neka tsi ɗe Ɓaɓa, wala kav̄u ajuao Ɓaɓa neka tsi ɗe uMwana, na uwo uMwana atsahao amuv̄enuliye.

YUHANI 1:16

Ha ukamilifu wahe, ridjaãliwa piyasi, neema hari mwa neema.

YUHANI 6:69

Na wasi riamini, tsena rijua amba wawe ɗe Mutwaharifu wa Mungu.»

1 MAKORINTIYO 2:6

Na v̄av̄o, kweli amba risujudza hikima hari mwa watru waaminifu wakamiliha shiroho, ɓadi hikima ilio amba tsi ya ulemengu unu, wala tsi ya matawalizi wa lidunia lini, walio amba wahetsiwa wandre waangamidziwe;

MAGALATWIYA 4:19

Wana wangu mulio amba tsina utungu wa madzazi raha na wanyu, ata mupaka Kristi afanyishihe moni hanyu!

MAEFESO 1:17

Ɓasi Mungu wa Raɓi watru Insa-Kristi, Ɓaɓa mwendza utukufu, namudjaãliyeni roho ya hikima na muv̄enulio, ile pare mumujuwe ha ukamilifu wahe.

MAFILIPI 3:10

iNia yangu ɗe wami umujua waye, na ushindzi wa umuregezeo hayi wahe, amma na urenga ushirika na waye hari mwa maondo yahe, na ulingana na waye hari mwa ufa wahe,

2 MONYE 1:4

Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.