MAEFESO 2:18 - Ha`bari Ndjema ya I Maore

¹⁸ Kweli amba ha ndzia yahe wasi waili risujua rimukuruɓia Ɓaɓa, ha Roho moja wiyo-wiyo.

MAEFESO 2:18 Referans Kwoze

MAEFESO 3:12

Hari mwa uv̄umoja watru na waye na ha ndzia ya uaminifu na waye, rina unafasi wa umukuruɓia Mungu v̄umoja na utumainivu.

1 MAKORINTIYO 12:13

Mana ha Roho moja riɓaĩshiwa piyasi, ile rifanyihe mwili moja ɓas, rangu Mayahudi ata Magiriki, rangu warumwa ata wanafasina, na piyasi rinosewa Roho moja.

MAROMU 5:2

Waye ɗe ariɓulia indzia ya upara, ha uaminifu watru, ineema ini ilio amba ra hari mwayo, tsena risufurahi ha itama ya urenga fuvu hari mwa utukufu wa Mungu.

MAEFESO 4:4

V̄wa mwili moja na Roho moja, mauri ɗe inamuna ilio amba itama mwahiriwa nayo moja, ne ɗe ile ya umuhirio wanyu.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 10:9

Wami ɗe umulongo. Mutru angiao ha univ̄ira, uwo atsohuyiwa. Atsongia na ulawa, amwesa atsopara za uɗya.

YUHANI 10:7

Amwesa Insa awaambia raha: «Nisumuambiani ha kweli, wami ɗe umulongo wa yamaɓariɓari.

MAKOLOSIYA 1:12

Namumuhimidiye Ɓaɓatru Mungu amushindrisani ustahiki upara fungu hari mwa umwaratha wa watwaharifu hari mwa iheu.

MAGALATWIYA 4:6

Na ha iv̄o mulio wana, Mungu av̄eleha rohoni hatru iRoho ya uMwana wahe, ilio amba isurongoa ha nguvu: «Aɓɓa!» yaãni «Ɓaɓa!»

MAROMU 8:15

Na Roho iyo mwav̄olwayo tsi ya umufanyani warumwa amba irudise hari mwa trisidzo; ɓadi muv̄olwa Roho imufanyaoni wana, na ha wiyo, risuhira: «Aɓɓa, Ɓaɓa!»

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

MAEFESO 6:18

Namufanye kula wakati ha iRoho kula aina ya ĩɓada na mamilio. Na v̄av̄o, namuke hashiri wala musulemewe ya umilia piya watwaharifu.

1 MAKORINTIYO 8:6

ɓadi hatruju v̄wa Mungu moja tu, Ɓaɓa alio amba zitru piya ulawa haheju, na ha waye ɗe rilio; na Raɓi moja, Insa-Kristi, alio amba ha ndzia yahe ɗe piya zilio, na ha ndzia yahe tsena ɗe rilio.

MAHEƁRANIYA 7:19

Mana iSharia kayakamilisha itsokao yotsi. Ɓadi av̄asa riv̄olwa tama ɓorwa zaidi, ilio amba ha wiyo risumukuruɓia Mungu.

MAEFESO 3:14

Iyo ɗe imana nivundzao malondro mbeli za Ɓaɓa,

YUDA 1:20

Ɓadi wanyu wav̄endzewa, namudziundre hari mwa uaminifu wazidi utwaharifu wanyu, mufanye mamilio ha iRoho Ndzitwaharifu,

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 MONYE 1:17

Na neka musumumia Mungu ha umuhira Ɓaɓa, Monyewe uhukumu kula mutru na zitrendro zahe ɓila uv̄endzelea, ɓasi namudziv̄inge v̄umoja na trisidzo wakati raha mulio shiv̄andreju mwa tsi.

MATIYO 28:19

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu,

YAKOƁU 3:9

Ha uwo, wasi umusifu Mola amma Ɓaɓa, na ha uwo tsena wasi ulaãni wanadamu wafanyiwa mufano wa Mungu.