MAEFESO 2:12 - Ha`bari Ndjema ya I Maore

¹² amba wakati uwo mwakoka ɓila Kristi; muka v̄ondze na umati wa Israila, muka wadjeni na yimikataɓa|mukataɓa ya uwahadi, kamwakana tama wala Mungu ulemenguni.

MAEFESO 2:12 Referans Kwoze

MAGALATWIYA 4:8

Nyuma hule iv̄o kamwakomujua Mungu, mwakorumishia mauri warumwa miungu yilio amba ha ihali yayo, kayisi.

MAKOLOSIYA 1:21

Na wanyu mulio amba nyumeni hule muka mutengeha, tsena muka maãduwi ha zifikira zanyu na zitrendrwa mbovu zanyu,

1 MONYE 1:3

Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

1 MATESALONIKA 4:13

Wananya wa shi uaminifu, wasi karisutsaha yaka amba kamusujua zahusu wao wandra mbeli za Mungu, ile mwasusikitihe mauri ɗe wasalia walio amba kawasina tama.

MAEFESO 4:18

Ãkili zawo zingia shidza. Wa mbali na uhayati wa Mungu, ha siɓaɓu ya ujinga ulio moni hawo ujao ha udziro wa ziroho zawo.

1 MATESALONIKA 4:5

ɓila udzieleha na taɓia ya shahawa, mauri ɗe namuna wafanyao watru wa zinishani zangina kazimuji Mungu.

YUHANI 15:5

Wami ɗe umuzaɓiɓu, wanyu ɗe yamarahi. Mutru aɓakio hari mwa uv̄umoja na wami, na wami niɓakio hari mwa uv̄umoja na waye, uwo uv̄inga mavuna mengi. Mana neka tsi na wami, kamushindri ufanya itsokao yotsi.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

MAROMU 9:8

Yaãni v̄av̄o, tsi ɗe uwana waja ha ndzia ya shiuɓinadamu walio wana wa Mungu, ɓadi uwana wa uwahadi ɗe walio hari mwa ihisaɓu ya zizilembwe.

1 MONYE 3:15

Ɓadi namumuhetsi Kristi rohoni hanyu amba Raɓi. Ha daima namuke tayari ya udifaĩ itama mulionayo moni hanyu, mbeli za yotsi atsotsahao ajuwe,

MAV̄INGIZI-RISALA 28:20

Ɓasi iyo ɗe imana ata natsaha nimuoneni, nilaguwe na wanyu. Ɗe ha siɓaɓu ya itama ya Israila ɗe nilio hari mwa isilisili ini.»

MAV̄INGIZI-RISALA 3:25

Wanyu ɗe uwana wa yimitrume na wa umukataɓa Mungu aufanya na wadzaɗe watru ha umuambia Iɓrahima: ‹Na hari mwa zilembwe zaho, piya zinishani za shiv̄andreju mwa tsi zitsoɓarikishiha.›

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

MAHEƁRANIYA 11:34

wazimi ushindzi wa moro, watrala mutsindzio wa upanga, wafanyiha wahodari ata wav̄iria ulemevu wawo, wahodarishiha kondroni, tsena watradza madjeshi wadjeni.

1 TIMUTAUSU 1:1

Wami Ɓaulusu, Muv̄ingizi-Risala wa Kristi-Insa ha ãmuri ya Mungu Muhuyifu watru, na ya Kristi-Insa itama yatru,

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

MAKOLOSIYA 1:5

Iyo ha siɓaɓu ya itama mwalishiwayo pev̄oni, ilio amba muikia nyuma oho ha urongozi wa ikweli, ne ɗe iIndjili.

YUHANI 10:16

Tsina raha maɓariɓari yangina, yalio amba tsi ya livala lini. Yao wajau, ilazimu niyav̄inge; yatsovulishia ji langu. V̄av̄o v̄utsoka ɓangwe moja tu, na mutsunga moja tu.

YUHANI 4:22

Musuãɓudu trongo kamuiji; wasi risuãɓudu trongo riijuao, mana ukombofu uja ha ulawa ha yaMayahudi.

LUKASI 1:72

Ha izo ɗe aonesao urehema wahe ha maɓaɓatru, na unahana umukataɓa mutwaharifu wahe,

MAV̄INGIZI-RISALA 2:39

Mana uwahadi uwo wanyu, na uwana wanyu, tsena na piya wao walio mbali, piyawo ha uwengi wawo Mwalatru Monyezi Mungu atsowahirao.»

MAEFESO 2:19

Ɓasi ha izo, kamusi tsena wadjeni wala watru wa v̄ondze, ɓadi muna uraĩa moja na watwaharifu, mwa hari mwa udjama wa Mungu.

MAHEƁRANIYA 8:6

Ɓadi leo v̄anu Kristi waye apara urumishi wazidi uhu, iv̄o alio muparanisa wamukataɓa mwema zaidi, wahetsiwa hari mwa nguwahadi ndjema zaidi.