MAEFESO 1:20 - Ha`bari Ndjema ya I Maore

²⁰ airumia ha Kristi wakati amuregeza hayi ulawa ha uwafu, tsena amuketsisa humeni hahe mbinguni,

MAEFESO 1:20 Referans Kwoze

MAHEƁRANIYA 10:12

Ɓadi waye, ɓaanda atolea sadaka moja tu ha yamadhambi, aketsi ha daima humeni ha Mungu.

MARKUSI 16:19

Ɓas, Raɓi Insa|Raɓi ɓaanda ahisa ulagua na wao, ahedzewa pev̄oni, aketsi humeni ha Mungu.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

MAKOLOSIYA 3:1

Ɓasi ɓaanda mwaregezewa hayi v̄umoja na Kristi, namutsahe trongo za shi uju, v̄ahanu Kristi aketsi humeni ha Mungu.

MAFILIPI 3:10

iNia yangu ɗe wami umujua waye, na ushindzi wa umuregezeo hayi wahe, amma na urenga ushirika na waye hari mwa maondo yahe, na ulingana na waye hari mwa ufa wahe,

MAROMU 8:34

Mbani ɗe atsowanamuao na kosa? Kristi-Insa ɗe afa, na zaidi ya iyo, aregezewa hayi, a humeni ha Mungu, na waye asurimilia.

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

MARKUSI 14:62

Insa adjiɓu: «Ɗe wami. Na wanyu mutsoona uMwana wa Mwanadamu aketsi humeni ha Monyewe Ushindzi, na uja hari mwa yamavingu ya mbinguni.»

MATIYO 26:64

Insa amudjiɓu: «Wawe ɗe wairongoa. Ɓadi nisumujudzani: Rangu ulawa v̄anu mutsoona uMwana wa Mwanadamu iv̄o aketsi humeni ha Monyewe Ushindzi, tsena ajao hari mwa yamavingu ya winguni.»

MUV̄ENULIO 1:17

Wakati namuona, tsipuliha mindruni hahe mauri tsifu. Sa ile anikadza umuhono wa hume wahe ha urongoa: «Usuriye! Wami ɗe nilio wa handra, amma wa hwisa,

1 MONYE 1:3

Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,

MAHEƁRANIYA 2:9

Ɓadi v̄anu risuona amba Insa ahetsiwa hari mwa muda mushashi utsini mwa zimalayika, akadzwa kemba ya utukufu na hishima ha siɓaɓu ya ufa ulio amba aondesheha nawo. Ha izo, ha irehema ya Mungu, av̄iri hari mwa ufa ha tanafu ya piya wanadamu.

MAEFESO 1:3

Naɓarikishihe Mungu amma Ɓaɓa wa Raɓi watru Insa-Kristi, ariɓarikisha kula muɓarikisho wa roho wa shimbinguni, hari mwa uv̄umoja na Kristi.

MAROMU 1:4

Adhiɓitishiha amba Mwana wa Mungu ha ushindzi, ha ndzia ya iRoho ya utwaharifu ha umuregeo hayi wahe ulawa ha uwafu, waye Insa-Kristi Raɓi watru,

MAV̄INGIZI-RISALA 26:8

Ɓas, manatrini ata muonao amba tsi trongo mukinishiha Mungu uregeza hayi uwafu?

MAV̄INGIZI-RISALA 10:40

ɓadi Mungu amuregeza hayi isuku ya raru, amwesa amuv̄a av̄enuhe,

MAV̄INGIZI-RISALA 4:10

wanyu piyanyu, v̄umoja na piya umati wa Israila, namujuwe amba ɗe ha lidzina la Insa-Kristi wa Nazareti, ule mwamurema mizumari hari mwa muri wa pawa, ɗe Mungu amuregeza hayi ulawa ha uwafu, ɗe ha waye ɗe mutru unu ahima mbeli zanyu na unono mukamilifu.

YUHANI 10:30

Wami na Ɓaɓa, wasi moja.»

YUHANI 10:18

Kav̄u mutru anitoleawo, ɓadi nisuuv̄a wami monyewe. Tsina ushindzi wa uuv̄a, tsena tsina ushindzi wa uurenga raha. Iyo ɗe iãmuri naipara ha Ɓaɓangu.»

MAKOLOSIYA 1:16

Mana ha iwaye ɗe piya zaumbwa, rangu mbinguni ata shiv̄andreju mwa tsi, zionehanao na izo kazionehana, neka zingufalume, au izo ziliona uhu, au zingutawalizi, au na ziyezi. Piya ziumbwa ha ndzia yahe na ha siɓaɓu waye.