MAEFESO 1:13 - Ha`bari Ndjema ya I Maore

¹³ Wanyu wajau hari mwa uv̄umoja wanyu na waye ɓaanda mwakia urongozi wa ukweli, ne ɗe iIndjili ya ukombofu wanyu, ɓasi hari mwa uv̄umoja uwo, mungia hari mwa uaminifu, tsena muremwa muhuri ha iRoho Ndzitwaharifu yaka yatolwa wahadi.

MAEFESO 1:13 Referans Kwoze

2 MAKORINTIYO 1:22

Waye ɗe aritria umuhuri wahe, tsena waye ɗe atria rohoni hatru iRoho, ile ike fungu la handra la izo arilishia.

MAEFESO 4:30

Musutriye huzuni iRoho Ndzitwaharifu ya Mungu, iRoho ilio amba ha wiyo muremwa muhuri wa isuku ya ukombofu.

2 TIMUTAUSU 2:19

Ɓadi umusingi muhodari wahetsiwa na Mungu, uwo usika, uremwa muhuri na marongozi yanu: «Mola asujua wao walio amba wahe», na tsena «mutru yotsi akuɓalio ha hadhwiri lidzina la Mola, nadziɓause na uovu.»

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

MAROMU 4:11

Ne apara iãlama ya utahiri amba ike muhuri ushadidishao muhakisho wahe mbeli za Mungu ha siɓaɓu ya uaminifu wahe rangu raha kaka atahiriwa. Ha izo afanyiha ɓaɓa wa piya wao waaminio ɓila utahiriwa, ile wapare muhakisho mbeli za Mungu wajau.

TITUSA 2:11

Mana irehema ya Mungu iv̄ingao uhuyifu ha piya wanadamu, iv̄enuha.

MAGALATWIYA 3:14

Na iyo pare iɓaraka ya Iɓrahima iwaswili ha zinishani zangina ha ndzia ya Kristi-Insa, amwesa ha uaminifu, ripare iRoho yaka yatolewa wahadi.

MAROMU 1:16

Kweli amba tsisuonea haya iIndjili, mana uwo ushindzi wa Mungu ha uhuyifu wa yotsi aaminio, rangu Muyahudi ata uwo kasi.

MAV̄INGIZI-RISALA 2:33

Ahedzewa humeni ha Mungu, amwesa apara ulawa ha Ɓaɓa iRoho Ndzitwaharifu yaka yatolwa wahadi, tsena aenedza iyo muonao na ukia.

YUHANI 14:26

Ɓadi uMusaidizi, ne ɗe iRoho Ndzitwaharifu Ɓaɓa atsomuv̄elehao ha lidzina langu, atsomufundrisani piya zitrongo, na umunahanidzani piya izo namuambiani.

YUHANI 1:17

Mana iSharia ika iv̄olwa ha ndzia ya Musa, ɓadi ineema na ukweli zija ha ndzia ya Insa-Kristi.

LUKASI 24:49

Na wami nitsomuv̄elesheani itrongo Ɓaɓangu aitolea wahadi. Ɓadi wanyu, namuɓaki ɗagoni ata mupaka mupindrisiwe ushindzi wa uju.»

1 MONYE 2:10

Wanyu mulio amba hale hule kamwaka umati, av̄asa mufanyiha umati wa Mungu; wanyu mulio amba kamwaka mwapara urehema, av̄asa mupara urehema.

MAROMU 6:17

Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

MAV̄INGIZI-RISALA 1:4

Wakati raha aka v̄umoja na wao, awaambia: «Musulawe Yerusalemu, ɓadi namulindre itrongo Ɓaɓa aka aitolea wahadi namujudzaniyo.

YUHANI 15:26

«Wakati uMusaidizi atsojao, uwo nitsomuv̄elesheaniwo ulawa ha Ɓaɓa, ne ɗe iRoho ya ukweli ilawao ha Ɓaɓa, atsonilawia ushahidi.

MAV̄INGIZI-RISALA 13:26

He wananyangu, wanyu zilembwe za Iɓrahima na wanyu mumuriao Mungu, ɗe hanyuju ɗe urongozi wa uhuyifu uwo wav̄elehwa.

YUHANI 6:27

Musudzishahilise na shahula muola, ɓadi namudzishahilise na shahula iv̄ao uhayati mukamilifu wa daima, shahula ilio amba uMwana wa Mwanadamu|Mwana wa Mwanadamu atsomuv̄aniyo, mana ɗe waye Ɓaɓa, yaãni Mungu, amukadza umuhuri wahe.»

LUKASI 11:13

Ɓasi neka wanyu namuna mulio waovu, musujua uv̄a wana wanyu zitru ndzuzuri, ha mara ngav̄i zaidi Ɓaɓa alio mbinguni atsov̄ao iRoho Ndzitwaharifu wao wamumiaoyo?»

MUV̄ENULIO 7:2

Amwesa tsiono malayika yangina yakohea uv̄andre wa jua la uhea, tsena ika isiki umuhuri wa Mungu alio hayi. Ashelemedzea ha ji lendza nguvu zimalayika nne zile zaka zaãmurishiwa zifanyiye mbovu ishiv̄andre ya tsi na iɓahari, amba:

YAKOƁU 1:18

Ha inia yahe monyewe, aridza ha urongozi wa kweli, ile rike ha shi urongozi, madzazi ya handra ya ziumbe zahe.

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

2 TIMUTAUSU 3:15

na rangu unatsani haho, usujua yiMiangishio Mitwaharifu; yiyo ushindrohuv̄a ihikima iv̄ingao uhuyifu, ha ndzia ya uaminifu ulio hari mwa uv̄umoja na Kristi-Insa.

2 TIMUTAUSU 2:15

Fanya djitihadi udzitekeleze mbeli za Mungu amba mutru akuɓalishiha, murumishi kasuonea haya, asomedzao ha uondzofu urongozi wa ikweli.

MAEFESO 4:21

Neka anga amba kweli yahusu waye ɗe mwakia, tsena neka amba ha uv̄umoja wanyu na waye ɗe mwasomedzewa ha ulingana na ukweli ulio ha Insa,

2 MAKORINTIYO 6:7

hari mwa umujudzio wa ikweli, tsena ha ushindzi wa Mungu, ha zizombo ziwaniao na ukingia ihaki;

YUHANI 3:33

Ɓadi mutru akuɓalio ushahidi wahe, waye udhiɓitisha amba Mungu, waye kweli.

YAKOƁU 1:21

Ɓasi v̄av̄o namudziɓause na kula tsama, na kula uyi watupa mupaka, murenge ha utaratiɓu uUrongozi ulio amba utaɓilwa moni hanyu, tsena ushindrao uhuyi roho zanyu.