LUKASI 9:48 - Ha`bari Ndjema ya I Maore

⁴⁸ amwesa awaambia: «Mutru yotsi arengao mwanamutsa mutiti unu ha lidzina langu, asunirenga ɗe wami; na mutru yotsi anirengao, asurenga Uwo aniv̄eleha. Mana umutiti rahana umutiti hari mwa wanyu piyanyu, uwo ɗe umuɓole.»

LUKASI 9:48 Referans Kwoze

LUKASI 14:11

Mana yotsi atsodzihedzao, atsoshukidziwa, na uwo atsodzishukidzao, atsohedzewa.»

1 MONYE 5:6

Ɓasi namudzilishe waekevu utsini na ushindzi wa Mungu, ile amuhedzeni wakati auhetsi.

LUKASI 22:26

Ɓadi hanyuju, isuke namuna iyo; ɓadi umuɓole mengoni mwanyu, nake mauri ɗe umutiti, na monyewe utarumu, ake mauri ɗe ule arumishiao.

YUHANI 13:20

Kweli, nisumuambiani ha kweli, monyewe urenga mutru namuv̄eleha, uwo asunirenga ɗe wami; na monyewe unirenga, asurenga Uwo aniv̄eleha.»

LUKASI 10:16

Uwo amuvulishiaoni, asunivulishia, na uwo amuharaoni, asunihara; na tsena uwo aniharao, asuhara Uwo aniv̄eleha.»

MUV̄ENULIO 3:21

Ha uwo ashindra, nitsomuv̄a aketsi v̄umoja na wami hari mwa ishiri ya ufalume yangu, mauri wami namuna nashindra, tsena naketsi v̄umoja na Ɓaɓangu hari mwa ishiri ya ufalume yahe.

1 MATESALONIKA 4:8

Ha izo, mutru aharao maosio yao kasuhara mwanadamu, ɓadi Mungu, waye kamwe amuv̄aoni Roho Ndzitwaharifu yahe.

YUHANI 14:21

Mutru aliona ziãmuri zangu amwesa asuzituĩ, uwo ɗe aniv̄endzao; na uwo aniv̄endzao, atsov̄endzewa na Ɓaɓangu; na wami wajau nitsomuv̄endza, amwesa nitsodziv̄enua haheju.»

LUKASI 22:30

ile pare muɗye na unwa mezaju hangu hari mwa utawalizi wangu, tsena muketsi hari mwa ziri za ufalume, ile muhukumu zingudjama kumi na mbili za Israila.»

LUKASI 7:28

Ɓasi nisumuambiani, hari mwa wao wadzalwa na wamayawo, kav̄u muɓole rahana Yahaya. Ɓadi mutru alio amba ɗe muv̄ungufu hari mwa uUtawalizi wa Mungu, uwo muɓole rahana waye.»

MARKUSI 9:37

«Mutru yotsi arengao mwanamutsa mauri ɗe unu ha lidzina langu, uwo asunirenga ɗe wami; na mutru yotsi anirengao, kasunirenga ɗe wami, ɓadi ɗe Uwo aniv̄eleha.»

MATIYO 25:45

Na waye atsowadjiɓu: ‹Nisumuambiani ha kweli, kula wakati kamwaka mwafanyiazo mutiti moja hari mwa wananyangu watiti rahana watiti wao, v̄ale kamwakonifanyiazo ɗe wami.›

MATIYO 25:40

Sa ile mufalume atsowadjiɓu: ‹Nisumuambiani ha kweli, kula wakati mwakofanyiazo mutiti moja hari mwa wananyangu watiti rahana watiti wao, v̄ale mwakonifanyiazo ɗe wami.›

MATIYO 19:28

Insa awaambia: «Nisumuambiani ha kweli, wakati wa uMuumbio Muv̄ia, uMwana wa Mwanadamu amoketsi hari mwa ishiri ya yezi ya utukufu wahe, wanyu mwaniɗunga mutsoketsi wajau hari mwa ziri za yezi kumi na mbili, ile muhukumu zingudjama kumi na mbili za Israila.

MATIYO 18:14

Ha izo wajau, tsi ɗe mav̄endzeleo ya Ɓaɓanyu alio mbinguni, amba v̄upoteye moja hari mwa watiti wanu.»

MATIYO 18:10

«Namudzitahadharishe na uv̄ungua moja hari mwa watiti wanu; mana nisumuambiani amba malayika zawo pev̄oni, ha dahari za maswa na Ɓaɓangu alio pev̄oni. [

MUV̄ENULIO 21:14

iNgome ya liɗago ikana misingi kumi na mili, yaka yaangihwa yamadzina kumi na maili ya yaMav̄ingizi-Risala|Mav̄ingizi-Risala kumi na maili ya uMwana Ɓariɓari.