LUKASI 9:44 - Ha`bari Ndjema ya I Maore

⁴⁴ «Ɓadi wanyu, namuvulishiye ha uzuri zini: uMwana wa Mwanadamu asondrov̄elehwa mihononi ha uwanadamu.»

LUKASI 9:44 Referans Kwoze

MAV̄INGIZI-RISALA 2:23

Mutru uwo atrilwa mihononi hanyu ha uɗunga izo zaka zahetsiwa na Mungu, zilio amba akozijua rangu kaɓula; na wanyu mumuulu ha yimihono ya watru waovu, mumureme mizumari hari mwa muri wa pawa.

LUKASI 9:22

Aengedza tsena: «Ilazimu uMwana wa Mwanadamu aondeshehe na trongo nyengi, aharwe na uwatru waɓole, yaMatolezi Maɓole ya Masadaka na yaMafundi ya Sharia, aulawe, ata isuku ya raru aregezewe hayi.»

MAHEƁRANIYA 2:1

Iyo ɗe imana ralazimu risike ha kusudi izo rakia, ile rasupoteye.

LUKASI 2:19

Mariama v̄ahe asiki piya trongo zile rohoni, akwendra na uzifikiri moni hahe.

YUHANI 19:11

Insa amudjiɓu: «Kwatsokana yezi itsokao yotsi hanguju na djeli kwaka wav̄olwayo ulawa uju. Ha izo, mutru anitria mihononi haho, likosa lahe ɓole zaidi.»

YUHANI 16:4

Tsimuambiani trongo zizo, pare wakati wamoja, munahane amba tsimuambianizo.» «Ɓadi tsamuambianizo rangu mwandro, mana tsika na wanyu.

LUKASI 24:44

Amwesa awaambia: «Zini ɗe nakomuambianizo wakati raha naka v̄umoja na wanyu, amba piya trongo zanihusu zaangihwa moni mwa iSharia ya Musa, yimitrume na iZaɓuri, zilazimu zitsimidzihe.»

LUKASI 18:31

Insa arenge kumi na waili wale, awaambia: «V̄anu risuhea Yerusalemu, na piya izo zaka zaangihwa na yimitrume zahusu uMwana wa Mwanadamu, zitsotsimidziha.

LUKASI 2:51

Amwesa awaɗungu, washuku Nazareti, na waye akowatuĩ. Mayahe asiki piya trongo zile rohoni.

LUKASI 1:66

Na piya wale wazikia, wazisiki rohoni hawo, amwesa wakorongoa: «V̄av̄o mwana uwo atsoka jeje?» Mana kweli ushindzi wa Mola uka v̄umoja na waye.

MARKUSI 9:31

Mana akosomedza maswihaɓa yahe na uwaambia: «uMwana wa Mwanadamu atsov̄elehwa mihononi ha wanadamu; watsomuula, amwesa v̄wamov̄ira suku traru, atsoregea hayi.»

MARKUSI 8:31

Ɓas, v̄ale Insa aandrisa ujudza watru wahe amba uMwana wa Mwanadamu|Mwana wa Mwanadamu alazimu aondeshehe ha nguvu, aharwe na uwatru waɓole na yaMatolezi Maɓole ya Masadaka|Mutolezi-Masadaka, na yaMafundi ya Sharia; tsena aulawe, amwesa isuku ya raru aregeye hayi.

MATIYO 26:2

«Musujua amba hari mwa suku mbili Unahanizi wa Mutupio|unahanizi utsosherehiwa, na v̄av̄o uMwana wa Mwanadamu|Mwana wa Mwanadamu atsov̄elehwa andre aulawe hari mwa muri wa pawa.»

MATIYO 16:21

Rangu v̄ale Insa aandrisa ujudza maswihaɓa yahe amba alazimu andre Yerusalemu, aondeshehe ha kusudi mihononi ha uwaɓole, ha yaMatolezi Maɓole ya Masadaka|Mutolezi-Masadaka, na ha yaMafundi ya Sharia, aulawe, na uregea hayi isuku ya raru.

YUHANI 16:31

Insa awadjiɓu: «Av̄asa musuamini iv̄o?»