LUKASI 9:3 - Ha`bari Ndjema ya I Maore

³ Awaambia: «Mwasuv̄inge itsokao yotsi hari mwa musafara wanyu, tsi tsimbo, tsi mukoɓa, tsi dipe, tsi fedha, wala musukane nguo mbili.

LUKASI 9:3 Referans Kwoze

LUKASI 22:35

Arongoa tsena: «Wakati naka namuv̄elehani wala tsi ha wanyu uv̄inga mufuko wa marike, ɓila mukoɓa, ɓila kaɓwa, hali muka mukosewa na shitru?» Wadjiɓu: «Ãhã, na itsokao yotsi.»

2 TIMUTAUSU 2:4

Kav̄usi ata muwanizi hari mwa djeshi ashahilihao na maẽsha ya kula suku amotsaha ajiv̄idze uwo amurenga.

LUKASI 12:22

Ɓasi Insa aambia maswihaɓa yahe: «Iyo ɗe imana nimuambiaoni, musudzitriye hamu na maẽsha yanyu na iyo mutsoɗyao, wala umwili wanyu na iyo mutsopindrao.

LUKASI 3:11

Awadjiɓu: «Monyewe ukana nguo mbili, naanyise na ule kasina ata hata, na uwo aliona shahula, nafanye namuna ɗe wiyo iyo.»

LUKASI 12:28

Ɓasi neka Mungu upindrisa ha namuna iyo ɗavu lilio malavuni leo ini, meso litsovutswao moroju, v̄av̄o ha mara ngav̄i zaidi atsomupindrisaoni? Uaminifu wanyu wa mushashi halisi!

LUKASI 5:29

Amwesa Lawi amufanyia karamu ɓole ɗagoni hahe. Maliv̄isa-latete wengi na watru wangina wakoɗya v̄umoja na wao.

MARKUSI 6:7

Aja ahiri kumi na waili wale na uwav̄eleha waili-waili; tsena, awav̄a yezi ju la madjini ya peu.

LUKASI 9:4

Muraɓa yotsi mutsoungiao, namuɓaki v̄av̄o, na rangu v̄ale kamwe ɗe mutsolawao.