LUKASI 8:8 - Ha`bari Ndjema ya I Maore

⁸ Na yangina tsena yapuliha hari mwa trotro ndjema. Umea yawo yatrendre, yadza mavuna ata mara miya.» Amohisa urongoa zile, Insa ahedza liji, arongoa: «Kula mwendza makio ya ukia, nakiye.»

LUKASI 8:8 Referans Kwoze

MATIYO 11:15

Mutru aliona makio, nakiye.

MUV̄ENULIO 2:11

Mwendza makio, nakiye izo iRoho aambiao ziDjama Ndziwaminifu! Uwo ashindra, katsodhurushiha na ufa ya v̄ili.»

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

MARKUSI 4:20

Amwesa v̄wa wasalia walio mauri ɗe wakati maela yapulihao hari mwa trotro ndjema. Wao ukia urongozi wa Mungu, uukuɓali, amwesa uwo utoa mavuna: v̄wa utoa thalathini, wangina sitini, na wasalia tsena miya.»

MARKUSI 4:8

Yangina iv̄o yapuliha hari mwa trotro ndjema, yameye, yatrendre, ata yadza mavuna: v̄wa yadza thalathini, yangina sitini, na yasalia miya.»

MATIYO 13:23

Na uwo apara yamaela hari mwa trotro ndjema, isurongoa ɗe uwo akiao uurongozi, auelewao. Waye utoa mavuna: mbia moja udza miya, yangina sitini, na yangina thalathini.»

LUKASI 8:15

Yao yapuliha hari mwa itrotro ndjema, ɗe wale wakia urongozi ule ha roho ndjema yarahara, wao uusika, amwesa ustahamili ata wadze mavuna.»

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MARKUSI 4:23

Mutru aliona makio ya ukia, nakiye.»

MARKUSI 7:16

[Kula aliona makio ya ukia, nakiye.]»

LUKASI 8:7

Yasalia tsena yapuliha hari mwa malavu ya miɓa. Malavu ya miɓa yale yahuwu v̄umoja na yao, yayafinikia.

LUKASI 14:35

Kaina faida na ishiv̄andre ya tsi, wala kaika shitru ihodarishao. Iyo ulatswa v̄ondze. Mutru aliona makio ya ukia, nakiye.»

MUV̄ENULIO 3:6

Mwendza makio, nakiye izo iRoho aambiao ziDjama Ndziwaminifu.»

MUV̄ENULIO 3:13

Mwendza makio nakiye izo iRoho aambiao ziDjama Ndziwaminifu.»

MUV̄ENULIO 13:9

Neka mutru ana makio, nakiye!