LUKASI 8:48 - Ha`bari Ndjema ya I Maore

⁴⁸ Ɓasi Insa amuambia: «Mama, uaminifu waho uhuhuyi, endra ha usalama.»

LUKASI 8:48 Referans Kwoze

LUKASI 7:50

Ɓadi Insa amuambia mutrumama ule: «Uaminifu waho uhuhuyi; endra ha usalama.»

MATIYO 9:22

Sa ile Insa azingi amuono, amuambia: «Mama, dzitriye ɓari! Uaminifu waho uhuv̄onesa.» Ɓas, mutrumama ule av̄ono sa na isa ile.

MAHEƁRANIYA 4:2

mana rijudziwa iHaɓari Ndjema mauri ɗe watru wao. Ɓadi urongozi waukia kawawafayidisha na itsokao yotsi, iv̄o kawaukia ha uaminifu.

MAV̄INGIZI-RISALA 14:9

Mutru ule akomuvulishia Ɓaulusu iv̄o akolagua. Na Ɓaulusu waye amureme matso, aono amba akana uaminifu wa uzihiriwa.

LUKASI 17:19

Amwesa amuambia: «Hima wendre dzaho, uaminifu waho uhuhuyi.»

MARKUSI 5:34

Ɓas, Insa amuambia: «Mama, uaminifu waho uhuv̄onesa. Endra dzaho ha salama, amba uv̄onesewa na maradhi yaho.»

2 MAKORINTIYO 6:18

«Wami nitsoka Ɓaɓanyu, na wanyu, hanguju mutsoka wana watruɓaɓa na watrumama, asurongoa Mola Monyewe ushindzi.»

LUKASI 18:42

Ɓas, Insa amuambia: «Rudi uone. Uaminifu waho uhuv̄onesa.»

MATIYO 8:13

Amwesa Insa amuambia djukuma ule: «Endra; itrongo wakana uaminifu nayo, naifanyishihe.» Sa ɗe ile kamwe na mutru wa hazi ule av̄ono.

MATIYO 12:20

Katsovundza sandze langia ndrwa, wala katsozima pwendzi lilawao mwesi, ata mupaka av̄e ushindzi ihaki.

MATIYO 9:2

Na hule av̄ingiwa shirewe, aka aladzwa hari mwa ɗalo. Wakati Insa aona uaminifu wawo, aambia shirewe ile: «Dzitriye ɓari mwandzani, madhambi yaho yaswamihiwa.»

LUKASI 8:47

Mutrumama ule iv̄o afahamu amba ajulihana, aja adzivutsu mindruni hahe ha udridrima, amwesa arongoa mbeli za piya watru wale imana ata amuɓamba, na inamuna aangala sa na isa ile.