LUKASI 8:29 - Ha`bari Ndjema ya I Maore

²⁹ Arongoa zile mana Insa aka ãmurisha djini la peu lile limulawiye, ha iv̄o lakoka na umusika rangu hale, ata yakotsonga amba akoziwa ha ufungwa ha silisili na utratriwa shuma mindruni. Ɓadi waye akorumbua zifungo zile, akov̄ingwa na shetwani ile mav̄adzani.

LUKASI 8:29 Referans Kwoze

LUKASI 9:42

V̄ale akotsengelea, na shetwani ile imuvutsu v̄otsi na umutsuha ha nguvu. Ɓadi Insa ashemea djini la peu lile, azihira umwana, amwesa amuregezeawo ɓaɓahe.

LUKASI 9:39

Djini la peu umusika, ata ha hafula waye ulatsa keme; lilo umutsuha ha nguvu, umutolesa mavovu hanyoni, tsena lilo uhoma umulawia ɓaanda lamutresa ha kusudi.

MARKUSI 5:8

Mana Insa aka amuambia: «Wawe djini la peu, mulawiye mutru uwo!»

LUKASI 8:28

Wakati amuona Insa, alatsa keme, adzivutsu mindruni hahe, amwesa arongoa ha ji lendza nguvu: «Usutsaha unifanyiye trini Insa, Mwana wa Mungu Monyewe Uju rahana Uju? Nisuhutafadali, usunionde.»

LUKASI 8:30

Wakati ule Insa amudzisa: «Dzina laho mbani?» Adjiɓu: «Wami uhiriwa Malijio», mana akana mazetwani ha uwengi.