LUKASI 8:12 - Ha`bari Ndjema ya I Maore

¹² Yao yapuliha ndziani, ɗe wale wakiao, amwesa Iɓilisa uja utoa rohoni hawo urongozi ule, pare wasuamini, wasuhuyiwe.

LUKASI 8:12 Referans Kwoze

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MARKUSI 4:15

Ɓaãdhwi ya watru uka mauri ɗe wakati yamaela yapulihao ndziani. Uyakia yawo, Shetwani uja, uwatolea urongozi ule waka watrilwawo.

MATIYO 13:19

Mutru akiao urongozi wa Utawalizi wala kauelewa, uMovu|Movu uja utoa izo aka atrilwazo rohoni hahe: uwo ɗe umufano wa ule apara yamaela wangoni na indzia.

LUKASI 8:5

«V̄uka mutsanyizi-maela, alawa akondrotsanya. Utsanya yahe, ɓaãdhwi ya maela yapuliha ndziani; yatseresewa na mindru, na yasalia yaɗyiwa na nyunyi za hawani.

MATIYO 13:4

Utsanya yahe v̄ale, ɓaãdhwi za maela zipuliha ndziani; zinyunyi zija, ziyaɗyi.

LUKASI 8:11

«Ɓasi tsini imana ya mufano ule: yaMaela, uwo ɗe urongozi wa Mungu.

LUKASI 8:13

Yao yapuliha hari mwa kawe, ɗe wale wamokia urongozi ule, waurengao ha furaha, ɓadi kausisi mizi. Wao uamini hari mwa muda ata wamodjereɓiwa, wao ulisha.