LUKASI 7:7 - Ha`bari Ndjema ya I Maore

⁷ Tsena, iyo ɗe imana ata nadziona amba tsastahiki uja mbeli zaho. Ɓadi rongoa tu trongo, na murumizi wangu atsov̄ona.

LUKASI 7:7 Referans Kwoze

LUKASI 4:36

Watru wale piya washanga ata wakoambiana: «Uwo urongozi trini uwo? Asuãmurisha ha yezi na ushindzi yamadjini ya peu, na yao yasulawa!»

MARKUSI 1:27

Piya watru wasikwa na ushangavu, ata wakodzisana: «Ini trongo trini? Musomo muv̄ia! Asuãmurisha ha yezi ata madjini ya peu, na yao yasumutuĩ!»

LUKASI 5:13

Ɓas, Insa av̄eleha umuhono, amuɓamba, amwesa arongoa: «Nisutsaha, twaharishiha.» Sa na isa ile uwenefu umuɓaushia.

LUKASI 7:6

Ɓas, Insa awaɗungu. Ata ukuruɓia yahe inyumba, shitswa wa yamadjeshi ule av̄eleha wandzani wahe wamuambiye: «Mutukufu, usudzitaãɓishe, mana wami tsastahiki wawe ungia ɗagoni hangu.

LUKASI 7:8

Mana wami nilio utsini mwa ziãmuri za waɓole wangu, tsina madjeshi walio utsini mwangu. Ata namoambia moja: ‹Endra›, na waye uendra; au wangina: ‹Ko›, waye uja; au tsena, namoambia murumizi wangu: ‹Fanya jau›, ɓas waye uifanya.»