LUKASI 7:40 - Ha`bari Ndjema ya I Maore

⁴⁰ Sa ile Insa amuambia: «Simoni, tsina trongo nitsahao nihuambiye.» Ule amudjiɓu: «Rongoa Fundi.»

LUKASI 7:40 Referans Kwoze

YUHANI 16:30

Av̄asa rijua amba usujua piya zitrongo, na tsi paka mutru ahudzise shitru. Iyo ɗe imana ata riaminio amba ulawa ha Mungu.»

YUHANI 16:19

Insa ajua amba wakotsaha wamudzise trongo. Ɓas awaambia: «Musudzisana hari mwa trongo nairongoa amba: ‹Hari mwa muda mushashi, kamutsoniona tsena; na ɓaanda ya mwana muda tsena, mutsoniona raha›.

YUHANI 13:13

Musunihira Fundi, na Raɓi, tsena muna haki, mana wami ɗe wizo zile.

YUHANI 3:2

Suku mengoni mwa suku, amujilia Insa uku, amuambia: «Mutukufu, risujua amba wawe fundi wav̄elehwa na Mungu. Mana kav̄u mutru ashindrao afanye ãlama za midjuza zizo uzifanyao, neka Mungu kasi na waye.»

LUKASI 18:18

Suku, v̄wa mukizi-mbeli amudzisa Insa ha urongoa: «Fundi mwema, trini ɗe yalazimu niifanye ile nipare uhayati mukamilifu wa daima?»

LUKASI 6:8

Ɓadi akojua zifikira zawo; ɓas, aambia mutru ule aka afa umuhono: «Hima, ulimbale hari-hari v̄av̄o.» Ahimi, alimbala.

LUKASI 5:31

V̄ale Insa arenge umurongo, awaambia: «Tsi ɗe wendza unono watsahao twaɓiɓu, ɓadi ɗe wawaɗe.

LUKASI 5:22

Insa ɓaanda akojua fikira zawo, arenge umurongo, awadzisa: «Manatrini ata mudzidzisao trongo zizo rohoni?

MATIYO 7:22

iSuku ya Hukuma, watru wengi watsoniambia: ‹Raɓi, Raɓi, afa ha lidzina laho, karajudza marongozi rakoshukidziwawo mwa? Na ha lidzina laho tsi ɗe ratradza mazetwani, na utsimidza trongo nyengi za midjuza?›

MATIYO 26:49

Sa ile amukuruɓia Insa ha urongoa: «Kwezi Fundi!» Amwesa amuɓusu.

LUKASI 7:39

Wakati Mufarisayo ule aka amukariɓisa aona trongo ile, adziambia: «Na djeli mutru unu aka mutrume, atsojua amba mbani na namuna trini ya mutrumama unu amuv̄av̄atsao, atsojua amba waye muãswifu.»

LUKASI 7:41

Insa amuambia: «V̄uka mukopesha-marike, akana watru waili akowayia. Wa handra akotsahwa mapauni hamsumiya, na wa v̄ili hamsini.