LUKASI 7:21 - Ha`bari Ndjema ya I Maore

²¹ Na wakati ɗe uwo ule, Insa azihira watru wengi wendza mawaɗe, wendza zifeli, wendza madjini ya peu, tsena wafa-matso wengi awazihira waone.

LUKASI 7:21 Referans Kwoze

MARKUSI 3:10

Mana ha iv̄o akozihira watru wengi, piya wao wakana maradhi wakosukumana ile wapare wamuɓambe.

MAHEƁRANIYA 12:6

Mana Mola urudi uwo amuv̄endzao, tsena urema shengwe kula amukuɓalio amba mwana wahe.»

MARKUSI 5:34

Ɓas, Insa amuambia: «Mama, uaminifu waho uhuv̄onesa. Endra dzaho ha salama, amba uv̄onesewa na maradhi yaho.»

MARKUSI 5:29

Sa na isa ile mushukio damu wahe ule uzia, tsena akia mwilini hahe amba av̄onesewa na maradhi yahe yale.

MATIYO 4:23

Insa akov̄ira hari mwa piya iGalilaya ha usomedza moni na ziNyumba za Uswali, na ujudza iHaɓari Ndjema ya Utawalizi wa Mungu; tsena akozihira kula uwaɗe na shifeli watru wakanazo.

MATIYO 4:24

Ɓas, sifa zahe zienea hari mwa piya iSiriya. Akov̄ingiwa piya wao wakokodza na kula aina ya uwaɗe na utungu, rangu wendza mazetwani, wendza kifafa, ata wafa uv̄andre, na waye akowazihira.

LUKASI 7:20

Watru wale wamowaswili mbeli za Insa, wamuambia: «Yahaya Muɓaĩshizi ariv̄eleha haho rihudzise neka wawe ɗe mutru akolazimu aje, au rilindre wangina.»