LUKASI 7:13 - Ha`bari Ndjema ya I Maore

¹³ Wakati Raɓi amuona, asikwa na poreho na waye, amuambia: «Usulile.»

LUKASI 7:13 Referans Kwoze

MAHEƁRANIYA 4:15

Mana karisina Mutolezi-Masadaka Muɓole kaelewa ulemevu watru; aka adjereɓiwa hari mwa piya zitrongo mauri ɗe wasi, ɓadi kaãswi.

LUKASI 8:52

Watru piya waremwa na shililo na majitso ha siɓaɓu ya waye. Sa ile Insa arongoa: «Mwasulile, waye kafa, ɓadi asindzia.»

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

YUHANI 20:15

Insa amudzisa: «Mama, manatrini ulilao? Usumuzunguha mbani?» Na v̄ale Mariama akofikiri amba ule ɗe mutru wa hazi wa likav̄a. Amuambia: «Ɓaɓa, neka wawe ɗe wamutoa, niambiye v̄ahanu wamutria, nendre namurenge.»

MARKUSI 8:2

«Tsiremwa na poreho na idunia ini, mana madza ina suku traru rangu walio v̄anu na wami, na kawasina ata shitru ya uɗya.

YUHANI 11:2

Mariama uwo ɗe aka amutria Raɓi marashi, amwesa av̄angua mindru yahe ha nyole zahe. Na v̄ale mwananyahe mutruɓaɓa Lazaro ɗe akokodza.

LUKASI 24:34

waambilwa: «Ha kweli Raɓi aregea hayi, amuv̄enushia Simoni.»

LUKASI 17:5

yaMav̄ingizi-Risala yamuambia Raɓi: «Riengedzeye uaminifu.»

1 MAKORINTIYO 7:30

wao walilao, mauri kawakolila; wao wafurahio, mauri kawakofurahi; wao wanunuao, nawake mauri kawakana;

YUHANI 20:13

Zimudzisa: «Mama, manatrini ulilao?» Awadjiɓu: «Mana wamutowo Raɓi wangu, wala tsisujua v̄ahanu wamutria.»

LUKASI 13:15

Ɓadi Raɓi amudjiɓu: «Wanyu wanafiki! Hali kula moja mengoni mwanyu iSuku ya Uv̄umuzi, waye kaɓulia inyombe yahe au ipundra yahe valani, andra inosa?

LUKASI 10:1

Ɓaanda ya v̄ale, Raɓi atsahua watru saɓwini wangina, awav̄eleha waili-waili wamutranguliye hari mwa kula ɗago na kula v̄ahali akojoendra.

LUKASI 7:19

Wakati ule ahiri waili, awav̄eleha ha Insa wamudzise: «Hali wawe ɗe mutru akolazimu aje, au rilindre wangina?»

1 MATESALONIKA 4:13

Wananya wa shi uaminifu, wasi karisutsaha yaka amba kamusujua zahusu wao wandra mbeli za Mungu, ile mwasusikitihe mauri ɗe wasalia walio amba kawasina tama.

LUKASI 22:61

Sa ile Raɓi azingi, amuangalia Monye. Ɓas, v̄ale ɗe Monye anahana urongozi Raɓi aka amuambiawo: «Kaɓula kukuyi uyiha ileo ini, utsonihana mara traru.»

LUKASI 7:12

Upara yahe kariɓu na umulongo wa liɗago, v̄wa hirimu mutruɓaɓa mwana moja-moja wa mutrumushe afiliwa na mume wahe, av̄ingwa akondrodzihwa. Tsena v̄uka watru wengi tu wa shi ɗagoni v̄ale waɗungana na mama ule.

LUKASI 7:14

Atsengelea, asiki idjanaiza ile. Sa ile wale waka waiv̄inga, wazia. Ɓas, Insa arongoa: «Ɓaɓa, nisuhuambia, hima!»

LUKASI 11:1

Suku Insa aka v̄ahanu, akofanya mamilio. Umalidza yahe, moja mengoni mwa maswihaɓa yahe amuambia: «Raɓi, risomedze namuna ya ufanya mamilio, mauri ɗe Yahaya namuna asomedza maswihaɓa yahe.»

LUKASI 11:39

Ɓadi Raɓi amuambia: «Wanyu Mafarisayo, wanyu utwaharisha iv̄ondze ya shikombe na sahani, na v̄ale moni hanyu v̄ujaya udhuluma na uovu.

LUKASI 12:42

Raɓi arongoa: «Uv̄i ɗe murumizi mwaminifu mwendza hikima murumisa wahe atsomudjukumisao muraɓa wahe, ile av̄e warumizi wanyahe zahula wakati wahetsiwa?

LUKASI 17:6

Ɓas Raɓi arongoa: «Na djeli mukana uaminifu mauri mwana mbia mutiti rahana umutiti, mwatsoambia umuri unu: ‹Dzirurumwe, wadzitaɓu ɓaharini›, na uwo utsomutuĩni.»

LUKASI 18:6

Amwesa Raɓi aengedza tsena: «Namuvulishiye izo hakimu tsi wa haki ule azirongoa.

LUKASI 19:8

Ɓadi Zakayi ahimi mbeli za Raɓi, amuambia: «Mutukufu, tsami nisurenga inusu ya mali zangu, niiv̄e zimasikini. Na mutru yotsi atsokao amba tsimudanganya, nitsomuregezea shitru yahe ata mara nne.»

LUKASI 24:3

Ungia yawo, kawapara umwili wa Raɓi Insa.

YUHANI 4:1

Insa ujua yahe amba watru wa ishama ya Mafarisayo wakia amba akopara na uɓaĩsha maswihaɓa rahana Yahaya|Yahaya Muɓaĩshizi,

YUHANI 6:23

iSuku yaɗunga madjahazi yangina yala ha ulawa Tiɓeriyasa, yawaswili v̄ale kariɓu na v̄uv̄ahanu watru waka waɗya yamadipe ɓaanda ya Raɓi umuhimidia Mungu.

YUHANI 11:3

Ɓasi washe wananya waili wale wamuv̄eleshedzea Insa haɓari ini: «Raɓi, mwandzani waho asukodza.»