LUKASI 6:23 - Ha`bari Ndjema ya I Maore

²³ Namufurahi isuku iyo, tsena muwaruke ha furaha, mana kweli amba thawaɓu yanyu itsoka ɓole pev̄oni. Mana ɗe ha inamuna iyo ɗe wadzaɗe wawo wakorendrea yimitrume.

LUKASI 6:23 Referans Kwoze

MUV̄ENULIO 21:7

Uwo ashindra, atsoarithi trongo zini. Nitsoka Mungu wahe, na waye atsoka mwana wangu.

MUV̄ENULIO 3:12

Uwo ashindra nitsomufanya ake ngidzo moni na iNyumba Ndzitwaharifu ya Mungu wangu, tsena katsoilawia ata idahari. Nitsoangiha uju mwaye lidzina la Mungu wangu, na lidzina la liɗago la Mungu wangu, iYerusalemu pia ishukao ulawa pev̄oni ha Mungu wangu. Nitsoangiha raha uju mwaye lidzina pia langu.

MUV̄ENULIO 3:5

V̄av̄o uwo ashindra atsopindra nguo ndjeu; tsitsozima ata hata lidzina lahe moni na ishio ya uhayati, tsena nitsokuɓali dzina lahe mbeli za Ɓaɓangu na mbeli za zimalayika zahe.

MAV̄INGIZI-RISALA 5:41

yaMav̄ingizi-Risala yale yalawa hari mwa uMungulidzano wa Waɓole, wafurahi ha iv̄o waonehana amba wastahiki warendrwe mbovu ha siɓaɓu ya lidzina la Insa.

MATIYO 5:12

Namujiv̄iwe, tsena muke hari mwa furaha, mana thawaɓu zanyu zitsoka ɓole pev̄oni. Mana ɗe ha inamuna iyo ɗe yakotreswa yimitrume yav̄ira kaɓula ya wanyu.»

MUV̄ENULIO 2:26

Ha uwo ashindra na usika ata mwiso zitrendro zangu, nitsomuv̄a yezi hari mwa zinishani.

MUV̄ENULIO 2:17

Mwendza makio nakiye izo iRoho aambiao ziDjama Ndziwaminifu! Uwo ashindra, nitsomuv̄a fungu hari mwa ishahula yatsitswa ihiriwao manna, tsena ɓwe djeu. Na hari mwa liɓwe lilo v̄uangihwa dzina pia lilio amba kav̄u mutru alijuao neka tsi ɗe uwo aliparao.»

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

YAKOƁU 1:2

Wananyangu, namuone mauri ndzia imuv̄ingiaoni furaha ya kusudi mwamoparwa na midjereɓio ya namuna ha namuna,

MAV̄INGIZI-RISALA 3:8

Alimbala ha uwaruka, amwesa andre ha yimindru. Angia na wao moni na iNyumba Ndzitwaharifu; akwendra ha uwaruka na umusifu Mungu.

MAHEƁRANIYA 11:26

Akoona amba udhilifu ha siɓaɓu ya Kristi, uwo utadjirifu rahana piya zidafine za Miswiri, mana akoangalia ɗe ithawaɓu yakoja.

MAHEƁRANIYA 11:6

Mana neka tsi ha uaminifu, tsi trongo mukinishiha amba mutru amujiv̄idze Mungu, mana uwo amukuruɓiao, alazimu aamini amba a v̄av̄o, tsena amba waye uv̄a thawaɓu wao wamuzunguhao.

2 TIMUTAUSU 2:12

neka risustahamili, ritsotawala wajau v̄umoja na waye. Neka risumuhara, waye wajau atsorihara;

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

2 MAKORINTIYO 12:10

Iyo ɗe imana amba wami ufurahi hari mwa zingulemevu, hari mwa zinaza, hari mwa yamaondo, yamatreso na zitaãɓu ha siɓaɓu ya Kristi. Mana namoka mulemevu, v̄av̄o ɗe nikao na nguvu.

MAROMU 5:3

Wala tsi ɓasi, ɓadi risudziparia sifa ata hari mwa matreso, iv̄o rijuao amba matreso udza suɓira,

MAV̄INGIZI-RISALA 14:10

Sa ile arongoa ha ji lendza nguvu: «Hima ha yimindru, ulimbale!» Ɓas, ahimi na uwaruka, aandrisa uendra.

LUKASI 6:35

Ɓadi namuv̄endze maãduwi yanyu, namurendre zema, mwazime, ɓila utumainia ata shitru. Na thawaɓu yanyu itsoka ɓole, tsena mutsoka wana wa Monyewe Uju rahana Uju; mana waye mwema ha wao kawamuhimidia, na ha waovu.

LUKASI 1:44

Mana nisuhuambia amba wakati lisalamu laho larema makio yangu, umwana agudzuha ha furaha moni hangu.

LUKASI 1:41

V̄ale, Elizabeti ukia yahe lisalamu la Mariama, mwana wahe agudzuha mimbani hahe, na Elizabeti ajadziwa iRoho Ndzitwaharifu.