LUKASI 6:22 - Ha`bari Ndjema ya I Maore

²² Furaha ha wanyu watru wamomuengani, au wamomutengani, au wamomuruhanani, au wamohetsi dzina lanyu amba ɓovu ha siɓaɓu ya uMwana wa Mwanadamu.

LUKASI 6:22 Referans Kwoze

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

1 MONYE 3:14

Na wala ukana musuondesheha ha siɓaɓu ya ihaki, v̄av̄o muɓarikishiha. «Musukane trisidzo na wao, tsena mwasuɓaɓanyihe.»

YUHANI 16:2

Mutsoɓalidziwa ziNyumba za Uswali. Na v̄usuja wakati amba yotsi atsomuulanio, atsofikiri amba asumurumishia Mungu.

YUHANI 7:7

Dunia kalishindri muengani, ɓadi wami, lilo unienga, mana nisulilawia ushahidi amba zitrendro zalo za peu.

YUHANI 12:42

Na v̄ale ata hari mwa yamadhwamana, wengi waja wamuamini, ɓadi ha siɓaɓu ya Mafarisayo kawakoirongoa, ile wasuɓalidziwe iNyumba ya Uswali.

MAV̄INGIZI-RISALA 24:5

Rifahamu amba unu mwendza shonga atriao umani hari mwa piya Mayahudi ya ulemenguni, amwesa waye mukizi-mbeli wa ishama ya dini ya unafiki ya Manazareti.

MAV̄INGIZI-RISALA 9:16

Nitsomuonesa piya yamatreso alazimu ayav̄iriye ha siɓaɓu yangu.»

YUHANI 17:14

Tsiwav̄a urongozi waho, na ulemengu uwaenge, iv̄o kawasi wa ulemengu, mauri wami, iv̄o tsisi wa ulemengu.

LUKASI 21:17

Mutsoengwa na wanadamu piya ha siɓaɓu ya lidzina langu.

MATIYO 10:39

Mutru atsotsahao avukise nafusi yahe, itsomulatsishia; ɓadi uwo atsolatsishiwao na inafusi yahe ha siɓaɓu ya wami, atsoivukisa.»

MAV̄INGIZI-RISALA 22:22

Watru wamuvulishia ha uzuri ata amotoa kauli zile, waja wahedza yamaji, warongoa: «Natolwe ulemenguni mutru mauri ɗe uwo! Kayalazimu aẽshi!»

YUHANI 9:34

Wamudjiɓu: «Udzalwa ha ukamilifu waho hari mwa madhambi, ɗe urisomedzao?» Ɓas, wamuĩdzia.

LUKASI 20:15

Ɓas, wamutowo v̄ondze na lishamba la mizaɓiɓu, wamuula. Ẽhẽ av̄asav̄anu monyewe shamba atsowafanyia trini?

MATIYO 10:18

Mutsov̄ingwa mbeli za mawakala na wafalume ha siɓaɓu ya wami, pare mulawe ushahidi mbeli zawo, na mbeli za wale kawamuji Mungu.

LUKASI 6:21

Furaha ha wanyu muliona ndza av̄asa, mana mutsokura. Furaha ha wanyu mulilao av̄asa, mana mutsofurahi.

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.