LUKASI 6:21 - Ha`bari Ndjema ya I Maore

²¹ Furaha ha wanyu muliona ndza av̄asa, mana mutsokura. Furaha ha wanyu mulilao av̄asa, mana mutsofurahi.

LUKASI 6:21 Referans Kwoze

YUHANI 6:35

Sa ile Insa awaambia: «Wami ɗe lidipe la uhayati. Mutru anijiliao, katsoona ndza dahari yahe, na uwo aniaminio, katsoona nyora ata idahari.

MATIYO 5:6

Furaha ha wao waliona ndza na nyora na ihaki, mana watsokurisiwa.

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

LUKASI 1:53

Akurisa ndjema wao wakana ndza, na ya matadjiri, awatoa waruv̄u.

MATIYO 5:4

Furaha ha wao walio hari mwa usikitifu, mana watsotrulidziwa.

MUV̄ENULIO 7:16

Kawatsoona ndza tsena, wala kawatsoona nyora tsena. liJua kalitsowarema, wala hari kaitsowavudza.

LUKASI 6:25

Maondo ha wanyu mwakura av̄asa, mana mutsokana ndza. Maondo ha wanyu mutsehao av̄asa, mana mutsosikitiha na ulila.

1 MAKORINTIYO 4:11

Ata v̄anu, ra hari mwa ndza na nyora, ra wadzi, risuv̄ondrwa, karina makazi.

YUHANI 4:10

Insa amudjiɓu: «Na djeli wakojua ineema yadjaãliwa na Mungu, na uwo mbani ɗe ahuambiao amba: ‹Nimbe maji ninwe›, v̄av̄o wawe ɗe watsomumia maji ya unwa, na waye atsohuv̄a maji ya uhayati.»

MUV̄ENULIO 21:3

Tsikia ulawa hari mwa ishiri ya ufalume ji lendza nguvu larongoa: «Tsini, makazi ya Mungu ya v̄umoja na uwanadamu. Atsoẽshi v̄umoja na wao, na wao watsoka umati wahe, na Mungu waye-waye atsoka na wao.

2 MAKORINTIYO 12:10

Iyo ɗe imana amba wami ufurahi hari mwa zingulemevu, hari mwa zinaza, hari mwa yamaondo, yamatreso na zitaãɓu ha siɓaɓu ya Kristi. Mana namoka mulemevu, v̄av̄o ɗe nikao na nguvu.

2 MAKORINTIYO 11:27

Nakofanya hazi ndziro hari mwa taãɓu, wakati mwengi tsakopara tsindzi; nakoka hari mwa ndza na nyora, mara nyengi nakofunga; nakoremwa na ɓaridi, nakoka ɓila nguo.

2 MAKORINTIYO 6:10

mauri watru wahuzunishiha, ata iv̄o rilio rahani daima; mauri masikini, ata iv̄o ritadjirisao wengi; mauri watru kawasina itsokao yotsi, ata iv̄o riliona piya.

YUHANI 11:35

Insa alili.

LUKASI 6:20

Ɓas, Insa adzulia matso maswihaɓa yahe, arongoa: «Furaha ha wanyu mulio masikini, mana Utawalizi wa Mungu wanyu.

LUKASI 6:22

Furaha ha wanyu watru wamomuengani, au wamomutengani, au wamomuruhanani, au wamohetsi dzina lanyu amba ɓovu ha siɓaɓu ya uMwana wa Mwanadamu.