LUKASI 5:8 - Ha`bari Ndjema ya I Maore

⁸ Wakati Simoni Monye aona trongo zile, avundzu malondro mbeli za Insa, amwesa amuambia: «Mutukufu, nilawiye, mana wami muãswifu.»

LUKASI 5:8 Referans Kwoze

MUV̄ENULIO 1:17

Wakati namuona, tsipuliha mindruni hahe mauri tsifu. Sa ile anikadza umuhono wa hume wahe ha urongoa: «Usuriye! Wami ɗe nilio wa handra, amma wa hwisa,

MATIYO 17:6

Ukia yawo ji lile, yamaswihaɓa yaremwa na faza ɓole ata wawu ha uso v̄otsi.

YUHANI 11:32

Mariama uwaswili yahe v̄ahali Insa aka ata amuona, awu mindruni hahe, amuambia: «Raɓi, na djeli uka v̄anu, itsoka amba mwananyangu kafa.»

MATIYO 8:8

Ɓadi djukuma ule amudjiɓu: «Mutukufu, tsastahiki wawe ungia ɗagoni hangu; rongoa trongo moja tu, na mutru wa hazi wangu atsov̄ona.

MATIYO 2:11

Wangia moni na inyumba, waono umwana na mayahe Mariama. Sa ile wavundzu malondro, wamusudjudia. Amwesa waɓulia midzo yawo, wamutamania zawadi: dhahaɓu, udi, na marashi ya miru.

1 MAKORINTIYO 13:12

Leo risuona mahiɓuni hari mwa shiɗo, ɓadi meso oho, maswa ha maswa. Leo nisujua pindri, ɓadi wakati uwo oho, nitsojua ha ukamilifu, mauri ɗe inamuna najulihwana.

LUKASI 5:7

Sa ile washeudza wanyawo waka hari mwa laka imoja, ile waje wawasaidi. Wale waja, wajadza laka mbili zile, ata zika kariɓu na urora.

LUKASI 5:9

Mana ushangavu uka umusiki, waye na piya watru waka na waye, ha siɓaɓu ya ulozi waka waufanya.