LUKASI 4:42 - Ha`bari Ndjema ya I Maore

⁴² Uku wamosha, Insa alawa andre v̄ahali v̄watengeha. Dunia ya watru iandrisa umuzunguha ata imupara; wakotsaha wamuziye, ile asuwalawiye.

LUKASI 4:42 Referans Kwoze

LUKASI 6:12

Wakati ule Insa andre mulimani afanye mamilio, av̄itsi piya uku hari mwa mamilio Mungu yahe.

YUHANI 4:34

Insa awaambia: «Shahula yangu ɗe wami ufanya yamav̄endzeleo ya Uwo aniv̄eleha, na utsimidza urumwa wahe.

YUHANI 6:24

Wakati idunia yafahamu amba tsi Insa, wala tsi maswihaɓa yahe waka moni v̄ale, wapashia wao ha wao madjahazi yale, wandre Kafarnaumu ile wamuzunguhe Insa.

YUHANI 4:40

Ata wakati Masamariya wale wamujilia Insa, wamumia aɓaki na wao. Ɓas, aɓaki v̄ale suku mbili.

LUKASI 24:29

ɓadi wamuzia ha umuambia: «Ɓaki na wasi, mana jua litso, uku usujongia.» Ɓas, angia amba aɓaki na wao.

MARKUSI 1:45

Ɓadi mutru ule alawa, aandrisojudza kula v̄ahanu itrongo, na uenedza zihaɓari, ha namuna amba Insa kakoshindra tsena ungia ha hadhwira hari mwa ɗago, ɓadi akoɓaki tu v̄ondze hari mwa mikaɓala yatengeha, na watru wakomujilia ulawa kula v̄ahali.