LUKASI 3:7 - Ha`bari Ndjema ya I Maore

⁷ Ɓas, akoambia idunia yakoja iɓaĩshiwe ha maji: «Wanyu kaɓila za nyoha zendza sumu! Mbani ɗe amuambiani amba mutsoshindra mutrale ihadhaɓu ijao?

LUKASI 3:7 Referans Kwoze

MATIYO 23:33

Wanyu nyoha, kaɓila yendza sumu! Namuna jeje mutsoshindrao mutrale ishifungo ya umoro wa Djahanama?

1 MATESALONIKA 1:10

na ulindra ulawa mbinguni uMwana wahe amuregeza hayi ulawa ha uwafu, ne ɗe Insa alio amba asurikomboa na zihadhaɓu zijao.

MATIYO 12:34

Wanyu kaɓila za nyoha za peu! Ha namuna jeje mutsoshindrao murongowe trongo ndjema, waovu namuna mulio? Mana ɗe ha uwengi ulio rohoni, ɗe hanyo ilaguao.

1 YUHANI 3:8

Uwo aãswio, waye wa Iɓilisa, mana Iɓilisa uãswi rangu ãswili. Iyo ɗe imana ata uMwana wa Mungu av̄enuha, ile aangamidze zitrendrwa za Iɓilisa.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

MAV̄INGIZI-RISALA 13:10

«He wawe wajaya kula hali ya udjandja na upeu, mwana wa Iɓilisa, ãduwi wa kula ilio haki! Hali v̄anu kutsolisha upoteza zindzia zaondzoha za Mola?

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

MATIYO 3:6

Wakov̄enua madhambi yawo, na waye akowaɓaĩsha|uɓaĩsha moni na umuro wa Jurdani.