LUKASI 24:4 - Ha`bari Ndjema ya I Maore

⁴ Sa ile waremwa na ushangavu na itrongo ile. Ɓas, v̄uwav̄enushia watruɓaɓa waili, wakana nguo zakov̄ev̄ena.

LUKASI 24:4 Referans Kwoze

MARKUSI 16:5

Ɓaanda wangia moni na likaɓuri, waono mwanahirimu shaɓaɓi aketsi uv̄andre wa hume, apindra nguo ndjeu. Sa ile waremwa na ushangavu.

MAV̄INGIZI-RISALA 1:10

V̄ale raha wakostamia mbinguni hule iv̄o akwendra dzahe, ne v̄uwav̄enulia watruɓaɓa waili wapindra vao djeu.

LUKASI 2:9

Wakati ule malayika ya Mola ija iwav̄enushia na utukufu wa Mola uwawalia, ata waremwa na faza ɓole.

LUKASI 24:5

Waremwa na trisidzo, ata wanyamisa sura zawo v̄otsi. Ɓadi watru wale wawaambia: «Manatrini muzunguhao mutru alio hayi hari mwa uwafu?

MAV̄INGIZI-RISALA 12:7

Sa moja, v̄uja malayika ya Mola, amwesa v̄uwala nuru moni na lifuko la shiv̄a lile. iMalayika imumidzi Monye ha umusukuma mbavuni, amwesa imuambia: «Hima haraka.» Ɓas, zisilisili zile zipuliha mihononi hahe.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.