LUKASI 24:39 - Ha`bari Ndjema ya I Maore

³⁹ Namuangaliye yimindru na yimihono yangu, ha kweli ɗe wami. Namunisike muone, mufu kakana nyama, wala miɓa, mauri ɗe iheli munionao.»

LUKASI 24:39 Referans Kwoze

YUHANI 20:27

Amwesa amuambia Tomasi: «Tsengedza hunu sha yaho, amwesa uangaliye mihono yangu. Tsengedza tsena muhono waho, uutriye mbavuni hangu. Usuke mudziro wa uamini, ɓadi amini!»

1 YUHANI 1:1

Trongo ilio amba ika rangu mwandro, trongo raikia, trongo raiona ha yamatso yatru, trongo raistamia na uisika ha yimihono yatru, trongo yahusu Uwo alio Urongozi wa uhayati, ɗe rimujudzaoniyo.

YUHANI 20:20

Ɓaanda arongoa zile, awaonesa yimihono na imbavu yahe. Ɓas, yamaswihaɓa yangiliwa na furaha iv̄o wamuona Raɓi.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

MAHEƁRANIYA 12:9

Na v̄anu ɓaanda ilio amba piyasi rina ɓaɓa ha shimwili arirudio na wasi umustehi, ha mara ngav̄i zaidi ralazimu ridzituĩse ha Ɓaɓa wa roho, ne raẽshi!

YUHANI 20:25

Ɓas, maswihaɓa wasalia wale wamuambia: «Rimuono Raɓi.» Ɓadi awadjiɓu: «Neka tsisuona mihononi hahe ãlama ya yimizumari, wala tsisutria sha yangu hari mwa kovu za yimizumari, na muhono wangu mbavuju hahe, wami tsitsoamini.»

MAV̄INGIZI-RISALA 1:3

Ɓaanda aondesheha, awaonesa ha udhiɓitifu mwengi amba a hayi. Awav̄enushia hari mwa muda wa suku aruɓaini, na urongoa trongo zapatana na uUtawalizi wa Mungu.

LUKASI 23:46

Sa ile Insa ashelemedza ha ji lendza nguvu: «Ɓaɓa, nisuv̄eleha iroho yangu mihononi haho!» Amohisa marongozi yale, av̄eha pumu ya mwiso.

LUKASI 24:38

Ɓadi awaambia: «Manatrini mwamenyeha ziroho zanyu, muliona fikira za udzidzisa rohoni?

LUKASI 24:40

Iv̄o akorongoa trongo zile, awaonesa yimihono na yimindru yahe.