LUKASI 24:36 - Ha`bari Ndjema ya I Maore

³⁶ V̄ale waka ju la ueledzana trongo zile, Insa waye-waye ahimi hari-hari na wao. Awaambia: «Salama naimuendreleyeni.»

LUKASI 24:36 Referans Kwoze

2 MATESALONIKA 3:16

Ɓasi Raɓi Monyewe utrulivu namuv̄eni waye-waye utrulivu kula wakati, ha kula namuna. Raɓi nake v̄umoja na wanyu piyanyu.

LUKASI 10:5

Hari mwa nyumba yotsi mutsongiao, namurongowe raɓuzi: ‹Salama naiendreleye muraɓa unu.›

MARKUSI 16:14

Mwisoni av̄enushia kumi na moja wale wakati waka mezaju wakoɗya. Awarudi iv̄o kawaamini, na ha uangavu wa roho wawo, mana kawaamini wale wamuona amba aregezewa hayi.

MUV̄ENULIO 1:4

Wami Yuhani nisuangishia ziDjama Ndziwaminifu saɓa zilio hari mwa liɓavu la Aziya: Urehema na amani nazimuendreleyeni ulawa ha Uwo alio, aka, amwesa ajao, tsena ulawa ha ziroho saɓa zilio mbeli za ishiri ya ufalume yahe,

1 MAKORINTIYO 15:5

Amuv̄enushia Monye, amwesa kumi na waili wale.

YUHANI 20:26

Ɓaanda ya suku nane, yamaswihaɓa yaka raha moni na inyumba, na Tomasi aka na wao. Ɓasi Insa aja, na yimilongo yika yiɓalwa; ahimi hari mwawo, arongoa: «Salama ju lanyu!»

YUHANI 16:33

«Tsimuambiani trongo izo, ile pare mukane utrulivu wa roho hari mwa uv̄umoja wanyu na wami. Mutsoka hari mwa usongefu ulemenguni v̄anu, ɓadi namudzitriye ɓari! Wami madza tsishindri ulemengu.»

YUHANI 14:27

Nisumulishiani utrulivu wa roho, nisumuv̄ani utrulivu wangu; tsisumuv̄aniwo mauri ɗe inamuna ulemengu uv̄ao. Roho yanyu isuhafilihe, wala isuke na trisidzo.

MATIYO 10:13

Neka muraɓa ule v̄ale ulistahiki, v̄av̄o salamu lanyu naliwaendreleye; ɓadi neka kawalistahiki, salamu lanyu nalimuregeyeni.

MAV̄INGIZI-RISALA 1:3

Ɓaanda aondesheha, awaonesa ha udhiɓitifu mwengi amba a hayi. Awav̄enushia hari mwa muda wa suku aruɓaini, na urongoa trongo zapatana na uUtawalizi wa Mungu.

1 MAKORINTIYO 15:7

Amwesa amuv̄enushia Yakoɓu, iv̄o piya yaMav̄ingizi-Risala|Mav̄ingizi-Risala.