LUKASI 23:34 - Ha`bari Ndjema ya I Maore

³⁴ [Sa ile Insa arongoa: «Ɓaɓa, waswamihi, mana kawasujua trongo waifanyao.»] Waanyisa zinguo zahe ha ufanya kuria.

LUKASI 23:34 Referans Kwoze

MATIYO 5:44

Ɓadi wami nisumuambiani: Namuv̄endze maãduwi yanyu, [namuɓariki wao wamuapizaoni, murendre ndjema wao wamuengaoni,] na umilia wao wamutresaoni,

MAV̄INGIZI-RISALA 7:60

Amwesa aroso malondro, ashelemedza ha ji lendza nguvu: «Mwalangu, usuwadjukumise lidhambi lilo.» Ɓaanda arongoa zile, afariki.

1 MONYE 3:9

Mwasuɗiv̄e mbovu ha mbovu, wala shilihidzo ha shilihidzo. Ɗe ikinyume, namusopeleye, mana ha iyo ɗe mwahirwa, ile muwarithi ɓaraka.

MAROMU 12:14

Namuɓarikishe wao wamutresaoni, muwamiliye ɓaraka, ɓadi musuwaapize.

1 MAKORINTIYO 2:8

Kav̄u ata mutawalizi moja wa ulemengu unu ajua hikima ini, mana na djeli waka waijua, kawatsomurema mizumari murijuRaɓi mwendza utukufu.

1 TIMUTAUSU 1:13

wami nilio amba hale oho nakokufuru, nakotresa na uruhana. Ɓadi tsidjaãliwa urehema, mana nakorendra ɓila ujuzi, iv̄o tsakana uaminifu.

MAV̄INGIZI-RISALA 3:17

Ɓadi av̄asav̄anu wananyangu, nisujua amba zile muzirendre ɓila wanyu ujua, mauri ɗe makizi-mbeli yanyu.

1 MAKORINTIYO 4:12

Risudziruma, risufanya hazi ha yimihono yatru. Ramoruhanwa, risusopelea; ramotreswa, risustahamili;

MATIYO 11:25

Wakati ule Insa arenge umurongo arongoa: «Nisuhuhimidia Ɓaɓa, Mola wa uwingu na ishiv̄andre ya tsi, iv̄o wadzamisia trongo zini uwendza ãkili na wendza ĩlimu, waziv̄enulia uwatiti.

YUHANI 19:11

Insa amudjiɓu: «Kwatsokana yezi itsokao yotsi hanguju na djeli kwaka wav̄olwayo ulawa uju. Ha izo, mutru anitria mihononi haho, likosa lahe ɓole zaidi.»

MARKUSI 15:24

Ɓas, wamureme mizumari hari mwa muri wa pawa, amwesa waanyisiana nguo zahe ha ufanya kuria, pare wajuwe kula mutru yahe atsoirengao.

MATIYO 11:26

Naam Ɓaɓa, mana iyo ɗe inamuna waka wav̄endza.

LUKASI 22:42

«Ɓaɓa, na djeli wakokuɓali, uniɓausiye ishikombe ini; ɓadi mav̄endzeleo yangu tsi ɗe yalazimu yafanyishihe, ɓe ɗe yaho.»

YUHANI 17:9

Wao ɗe niwamiliao. Tsisumilia ulemengu, ɓadi ɗe wao waniv̄awo, mana wao waho.

MAV̄INGIZI-RISALA 16:28

Ɓadi Ɓaulusu ahedza liji ha nguvu, amuambia: «Usudzihodze, mana ra v̄anu piyasi!»