LUKASI 22:43 - Ha`bari Ndjema ya I Maore

⁴³ Sa ile v̄umuv̄enushia malayika yalawa mbinguni, ile imutriye ɓari.

LUKASI 22:43 Referans Kwoze

MATIYO 4:11

Ɓas Iɓilisa amulawia, na malayika zija zimupara, zakomurumishia.

MAHEƁRANIYA 1:14

Hali piya izo tsi roho ndzirumishi zav̄elehwa zirumishiye wao watsowarithio uhuyifu?

MATIYO 26:53

Usufikiri amba tsishindri namumia Ɓaɓangu, ata av̄asav̄anu aniv̄eleshea mialifu na mialifu ya malayika?

MAHEƁRANIYA 1:6

Na tsena, uv̄eleha yahe umudzalwa wa handra uwo ulemenguni, arongoa: «Piya zimalayika za Mungu nazimuãɓudu.»

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

LUKASI 22:32

Ɓadi tsihumilia Mungu, ile uaminifu waho usupuhe ɓari. Na wawe, wakati itsokao amba uniregea, hodarisha wanyaho.»

MATIYO 4:6

amuambia: «Neka wawe ɗe Mwana wa Mungu, dzipulise utsini hule; mana v̄uangihwa: ‹Atsoãmurisha malayika zahe ju laho, zitsohukalilia mihononi hazo, ile pare mundru waho usukwale hari mwa ɓwe.› »

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAV̄INGIZI-RISALA 18:23

Ɓaanda av̄itsa mwana muda Antiyokiya hule, Ɓaulusu afungu musafara av̄iriye yimikaɓala ya Galatwiya na Frugiya, ha utria ɓari piya maswihaɓa.

MAV̄INGIZI-RISALA 14:22

Wahodarisha iroho ya maswihaɓa, uwatria ɓari wasike uaminifu wawo na uwaambia: «Irilazimu riv̄iriye taãɓu nyengi iv̄o ringiye hari mwa uUtawalizi wa Mungu.»