LUKASI 21:8 - Ha`bari Ndjema ya I Maore

⁸ Insa adjiɓu: «Namufahamu, musudzilishe mwadangamanyiwa. Mana wengi watsodziv̄eleha ha lidzina langu ha urongoa: ‹Mutru ɗe wami!› na: ‹Wakati usukuruɓia!› Ɓadi musuwaɗunge.

LUKASI 21:8 Referans Kwoze

1 YUHANI 4:1

Wav̄endzewa wangu, mwasuamini kula roho, ɓadi namutunde ziroho, ile mujuwe neka za shi Mungu, mana v̄uenea ulemenguni wengi wadzifanyao amba wasujudza marongozi ya shi mutrume washukidziwa.

2 MATESALONIKA 2:3

V̄usuke ata mutru amudanganyani ha namuna itsokao yotsi, mana ilazimu iKufuru ije raɓuzi, na uMovu av̄enuhe, uwo ahetsiwa amba aangamidziwe.

MAEFESO 5:6

V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ.

MATIYO 24:11

V̄utsohima wanafiki wengi watsodzifanyao amba washukidziwa marongozi, amwesa watsodanganya watru wengi.

2 TIMUTAUSU 3:13

Ɓadi waovu na wanafiki watsendra ha uzidishiha na uovu, ha wao upoteza wasalia na udzipoteza wao wenyewe.

2 YUHANI 1:7

Kweli amba wengi wa madangamanyifu watsambadziha ulemenguni, watru kawasukuɓali amba Insa-Kristi aja ha mwili. Uwo ɗe uMudangamanyifu amma uMukanyusha-Kristi.

LUKASI 17:23

Watru watsomuambiani: ‹Tsule hule!› au: ‹Tsunu hunu!› Ɓadi musendre, musuwaɗunge.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MATIYO 4:17

Rangu v̄ale Insa aandrisa uĩdhia ha urongoa: «Namwendre toɓa, mana Utawalizi wa Monyewe ziMbingu ukuruɓia!»

MUV̄ENULIO 1:3

Aɓarikishiha uwo asomao na wao wakiao yamarongozi ya shi mutrume yashukidziwa, tsena wasikao izo zaangihwa moni v̄av̄o, mana wakati ukuruɓia.

YUHANI 8:24

Iyo ɗe imana namuambiani amba mutsofa hari mwa madhambi yanyu. Mana neka kamusuamini amba wami ɗe ule nilio, mutsofa hari mwa madhambi yanyu.»

YUHANI 5:43

Wami tsija ha lidzina la Ɓaɓangu, wala kamusunikuɓali. Neka mutru wangina asuja ha lidzina lahe monyewe, mutsomukuɓali.

MATIYO 3:2

ha urongoa: «Namwendre toɓa, mana Utawalizi wa Monyewe ziMbingu, ukuruɓia.»

LUKASI 21:7

Ɓas, wale wamudzisa: «Fundi, wakati trini trongo zizo zitsohidjirio? Na ãlama trini ɗe itsoonesao amba trongo zizo zisuja zihidjiri?»

LUKASI 21:9

Mwamokia haɓari za kondro na mitsutsuho, musuriye; mana trongo izo zilazimu zihidjiri raɓuzi, ɓadi uwo kautsoka kamwe ɗe umwiso.»

YUHANI 8:28

Ha izo Insa awaambia: «Wakati itsokao amba muhedza uMwana wa Mwanadamu|Mwana wa Mwanadamu, v̄av̄o mutsojua amba wami ɗe wami, tsena amba tsisufanya ata trongo ha iwami yangu, ɓadi nisurongoa zitrongo Ɓaɓa anisomedza.

1 MAKORINTIYO 6:9

Kamusujua amba wadhuluma kawatsopara fungu hari mwa Utawalizi wa Mungu? Musulaɓihe! Watru wendza taɓia za peu za shi mwili, maãɓudu-masanamwe, wazindzi, watruɓaɓa waliona shahawa wao na wao,