LUKASI 20:34 - Ha`bari Ndjema ya I Maore

³⁴ Wakati ule Insa awadjiɓu: «Watru wa lidunia la leo lini, wao ulola na ulolwa.

LUKASI 20:34 Referans Kwoze

LUKASI 16:8

Wakati ule murumisa ule asifu djukuma tsi muaminifu wahe ule ha siɓaɓu ya iãkili airumia. Mana uwatru wa lidunia lini wana ãkili mbeli za wanyawo rahana wao walio wa iheu.

LUKASI 17:27

Wanadamu wakoɗya, wakonwa, wakolola na ulodza ata mupaka ɗe isuku Nuhu angia moni na lidjahazi; lidzaha la maji lija, liwaangamidza piyawo.

MAHEƁRANIYA 13:4

Ndrolo naistehiwe na piya, na ishitrandra ya ndrolo yasutrilwe tsama ya shihawara, mana Mungu atsohukumu wendza shahawa mbovu na wazindzi.

MAEFESO 5:31

«Ɗe imana ata mutruɓaɓa atsolawao ha ɓaɓahe na mayahe ile adzifungamanise na umutrumushe wahe, na wao waili watsofanyiha mwili moja.»

MATIYO 12:32

Na mutru yotsi atsolaguao kinyume na uMwana wa Mwanadamu|Mwana wa Mwanadamu, uwo atsoswamihiwa; ɓadi yotsi atsolaguao kinyume na iRoho Ndzitwaharifu, uwo katsoswamihiwa, tsi hari mwa dunia lini, wala lilo lijao.»

LUKASI 20:33

Ɓasi wakati wa umuregezeo hayi, mutrumama unu atsoka mutrumushe wa uv̄i? Mana wao saɓa waka wamufanya mutrumushe.»