LUKASI 2:26 - Ha`bari Ndjema ya I Maore

²⁶ Aka av̄enushiwa na iRoho Ndzitwaharifu amba katsofariki raha kamuona uMutsahuliwa wa Mola.

LUKASI 2:26 Referans Kwoze

YUHANI 8:51

Nisumuambiani ha kweli, mutru asikao urongozi wangu, ata idahari katsoona ufa.»

MAHEƁRANIYA 11:5

Ha uaminifu ɗe Henoki arengwa, ha namuna amba asuone ufa. Kaparihana tsena, mana Mungu amurenge. Na kaɓula ya waye urengwa, apara ushahidifu amba akomujiv̄idza Mungu.

LUKASI 9:27

Ɓadi nisumuambiani ha kweli, wasalia hari mwa wao walio v̄anu kawatsofa kaɓula ya uona Utawalizi wa Mungu.»

MAV̄INGIZI-RISALA 10:38

Musujua namuna Mungu amutsahua Insa wa Nazareti na umuenedza iRoho Ndzitwaharifu na ushindzi, na namuna akwendra ha urendra ndjema na uzihira piya wao waka watawaliwa na Iɓilisa, mana Mungu aka na waye.

MAV̄INGIZI-RISALA 2:36

«Ha izo, piya umati wa Israila naujuwe ha yakini amba Mungu amufanya Raɓi amma Kristi, Insa uwo mwamurema mizumari hari mwa muri wa pawa.»

MAV̄INGIZI-RISALA 17:3

ha uwaeledza na uwaonesa amba ika ilazimu uMutsahuliwa aondeshehe, iv̄o aregezewe hayi ulawa ufa. Awaambia tsena: «Insa uwo nimujudzaoniwo, waye ɗe Mutsahuliwa.»

MAV̄INGIZI-RISALA 9:20

Sa ile kamwe Saulusu aandrisa ujudza moni na ziNyumba za Uswali amba Insa ɗe uMwana wa Mungu.

YUHANI 20:31

Ɓadi zini ziangihwa pare muamini amba Insa ɗe Mutsahuliwa, uMwana wa Mungu, na ha uamini, mukane uhayati ha lidzina lahe.

YUHANI 4:29

«Namuje muone mutru aniambia piya trongo nazifanya. Saɓu waye tsi ɗe Mutsahuliwa?»

YUHANI 1:41

Amupara kadimu mwananyahe Simoni, amuambia: «Rimupara uMutsahuliwa.» (Mana yayo, Kristi.)

MATIYO 2:12

Iv̄o wafahamishiwa hari mwa ndzozi wasumuregeye Hirudu, warudi tsiju hawo ha uɗunga ndzia yangina.

LUKASI 2:29

«Av̄asa Mwalangu, ruhusu murumishi waho andre dzahe ha usalama, ha uɗunga urongozi waho,