LUKASI 2:25 - Ha`bari Ndjema ya I Maore

²⁵ Na v̄ale v̄uka mutru ɗagoni Yerusalemu akohiriwa Simeona; aka mutru mutuĩvu mwendza djitihadi na zitrongo za Mungu, amwesa akositamia ukombozi wa Israila; tsena iRoho Ndzitwaharifu ika na waye.

LUKASI 2:25 Referans Kwoze

LUKASI 1:6

Wao waili waka watuĩvu mbeli za Mungu, tsena hari mwa itrongo ya uɗunga piya ziãmuri na yamasharuti ya Mola, kawakana lawama itsokao yotsi.

LUKASI 2:38

Wakati ɗe uwo ule, angia v̄ale wajau, akomutukuza Mungu na umurongoa Insa ha piya wale wakolindra ukombozi wa Yerusalemu.

MARKUSI 15:43

Yusufu wa shi Arimatiya awaswili. Aka mwanashama akostehiwa wa uMungulidzano wa Waɓole, tsena, waye wajau akolindra Utawalizi wa Mungu. Asuɓutu andre ha Ɓilatusa, amia umwili wa Insa.

LUKASI 1:41

V̄ale, Elizabeti ukia yahe lisalamu la Mariama, mwana wahe agudzuha mimbani hahe, na Elizabeti ajadziwa iRoho Ndzitwaharifu.

2 MONYE 1:21

Kweli amba kav̄waparoka urongozi washukidziwa ulio amba ha yamav̄endzeleo ya mwanadamu, ɓadi ɗe ha uv̄ingwa na iRoho Ndzitwaharifu, ɗe wanadamu walagua urongozi walawa ha Mungu.

LUKASI 23:51

Waye kaka akuɓali zifikira na zitrendrwa za wanyahe; aka wa shi Arimatiya, ɗago la Mayahudi, na waye akolindra Utawalizi wa Mungu.

MAV̄INGIZI-RISALA 24:16

Iyo ɗe imana nidzifarudhishao amba ha dahari roho yangu irahare mbeli za Mungu na mbeli za wanadamu.

MAV̄INGIZI-RISALA 10:22

Wamudjiɓu: «Dhwamana wa djeshi ahiriwao Korneliyus, mutru mutuĩvu ariao Mungu, amwesa arongolwao ha uwema na piya udjama wa yaMayahudi, aambilwa na malayika ndzitwaharifu ahuhire hahe, pare akiye marongozi yaho.»

MAV̄INGIZI-RISALA 10:2

Aka mutru mutuĩvu akoria Mungu, waye na piya muraɓa wahe. Akotoa zaka nyengi ha wanadamu tsiju v̄ale na umia Mungu ha dahari.

LUKASI 1:67

Zakariya ɓaɓahe wa umwana ajadzwa iRoho Ndzitwaharifu, arongoa marongozi ashukidziwayo yanu:

MAV̄INGIZI-RISALA 2:5

Na v̄ale, ɗagoni Yerusalemu v̄wakoẽshi Mayahudi matuĩvu walawa hari mwa piya zinishani za ulemenguni.