LUKASI 2:14 - Ha`bari Ndjema ya I Maore

¹⁴ «Natukuzihe Mungu hari mwa yimikaɓala ya uju rahana uju, na amani shiv̄andreju mwa tsi ha wao awav̄a fadhwila.»

LUKASI 2:14 Referans Kwoze

MAROMU 5:1

Ɓasi ha iv̄o rihakishiha mbeli za Mungu ha uaminifu watru, v̄av̄o ripara amani haheju ha ndzia ya Raɓi watru Insa Kristi.

LUKASI 19:38

Wakorongoa: «Naɓarikishihe umufalume ajao ha lidzina la Mola! Amani mbinguni, na utukufu hari mwa maɓandza ya uju rahana uju!»

MAKOLOSIYA 1:20

tsena ha waye aparanise piya na iwaye yahe, rangu za shiv̄andreju mwa tsi, ata za mbinguni, ha utria amani ha idamu yahe yatriha hari mwa umuri wa pawa|muri wa pawa.

LUKASI 1:79

ile iunishiye wao waketsi shidzani na hari mwa umuvuli wa ufa, ile iv̄inge ngao zatru hari mwa indzia ya amani.»

MUV̄ENULIO 5:13

Amwesa kula shiumbe ilio mbinguni, uju na ishiv̄andre ya tsi, utsini na ishiv̄andre ya tsi na uju na iɓahari, piya zilio, tsizikia zakorongoa: «Ha Monyewe uketsi hari mwa ishiri ya ufalume na ha uMwana Ɓariɓari, sifa, hishima, utukufu na ushindzi daimani aɓada!»

MAV̄INGIZI-RISALA 10:36

Av̄eleha Urongozi wahe ha yaMaisraila|Maisraila, ha uwajudza iamani ha ndzia ya Insa-Kristi, alio ɗe Raɓi wa piya uwanadamu.

YUHANI 17:4

Tsihutukuza ulemenguni, tsitsimidza izo waniv̄a nifanye.

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

MAFILIPI 2:11

tsena kula hanyo ikuɓali ha hadhwira amba Insa-Kristi ɗe Raɓi, ha utukufu wa Mungu amma Ɓaɓa.

LUKASI 3:22

na iRoho Ndzitwaharifu imushukia ha mufano wa shukuru. Amwesa v̄ulawa ji mbinguni, lirongoa: «Wawe ɗe uMwana wangu muv̄endzewa; wami ujiv̄iwa halisi na wawe.»

MATIYO 21:9

iDunia yakomukilia mbeli na ile yakomuɗunga, yakoshelemedza: «Hozana ha uMwana wa Daudu|Mwana wa Daudu! Naɓarikishihe uwo ajao ha lidzina la Mola! Hozana hari mwa yimikaɓala ya uju rahana uju!»

MAEFESO 1:9

Arijudza iãdjaɓu ya mav̄endzeleo yahe, ne ɗe umupango wa mav̄endzeleo yahe yamujiv̄ia adzitayarishawo rangu kaɓula autsimidze ha indzia ya Kristi,

MAEFESO 1:6

ha umusifio mutukufu wa irehema ilio amba aridjaãliayo hari mwa umuv̄endzewa wahe.

MAFILIPI 2:13

Mana Mungu ɗe Monyewe utria moni hanyu iutsaha na iurendra ha ulingana na mav̄endzeleo yahe.

MAEFESO 2:7

ile aonese hari mwa yimida yijao utadjirifu wazidishiha wa urehema wahe aridjaãliawo ha uwema wahe hari mwa uv̄umoja watru na Kristi-Insa.

MAEFESO 2:4

Ɓadi Mungu waye mutadjirifu wa poreho na ha siɓaɓu ya uv̄endza muɓole ariv̄endza,

YUHANI 14:27

Nisumulishiani utrulivu wa roho, nisumuv̄ani utrulivu wangu; tsisumuv̄aniwo mauri ɗe inamuna ulemengu uv̄ao. Roho yanyu isuhafilihe, wala isuke na trisidzo.

YUHANI 3:16

«Mana Mungu av̄endze uulemengu, ata av̄a uMwana moja-moja wahe, ile pare kula amuaminio asupare uangamifu wa dahari, ɓadi akane uhayati mukamilifu wa daima.

LUKASI 2:13

Sa na isa ile, imalayika ijiliwa na dunia nyengi ya shi mbinguni, tsena zakomusifu Mungu na urongoa:

LUKASI 2:15

Wakati malayika zile zawaɓaushia amba zirudi mbinguni, watsunga wale waambiana wao na wao: «Narendre Ɓaitilham, raone trongo yahidjiri oho, iyo Mola arijudzayo.»