LUKASI 2:10 - Ha`bari Ndjema ya I Maore

¹⁰ Ɓadi malayika ile iwaambia: «Mwasuriye, mana nisumujudzani haɓari ndjema itsov̄ingiao furaha ɓole umati piya.

LUKASI 2:10 Referans Kwoze

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

MATIYO 14:27

Ɓadi v̄ale kamwe Insa awaambia: «Namutruliye! Unu ɗe wami, musuriye!»

LUKASI 1:30

Ɓadi imalayika imuambia: «Usuriye Mariama, mana udjaãliwa neema mbeli za Mungu.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAV̄INGIZI-RISALA 13:32

Na wasi risumujudzani iHaɓari Ndjema ini amba uwahadi Mungu atoleawo maɓakoko watru,

LUKASI 24:47

Na itrongo ya uendra toɓa na yamadhambi yaswamihiwa, zilazimu zijudziwe ha lidzina lahe ha piya zinishani, uandrisa rangu Yerusalemu.

LUKASI 8:1

Ɓaanda ya v̄ale Insa akwendra hari mwa kula ɗago, rangu ɓole ata titi, na ujudza iHaɓari Ndjema ya Utawalizi wa Mungu. Na watru kumi na waili wale waka na waye.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

LUKASI 1:19

Malayika ile imudjiɓu: «Wami ɗe Djiɓurilu, wami uka mbeli za Mungu. Tsiv̄elehwa nije nilaguwe na wawe, tsena nihujudze haɓari ndjema iyo.

LUKASI 1:13

Ɓadi malayika ile imuambia: «Usuriye Zakariya, mana mamilio yaho yakuɓaliwa. Mushe waho Elizabeti atsohudzalia mwana mutruɓaɓa, utsomuhira Yahaya.

MARKUSI 1:15

Akorongoa: «Wakati wahetsiwa upara, Utawalizi wa Mungu ukuruɓia! Namwendre toɓa, tsena muamini iHaɓari Ndjema!»

MAROMU 10:15

Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio: «Kweli amba yistawi yimindru ya wao wajudzao haɓari ndjema!»

MARKUSI 16:15

Amwesa awaambia: «Namwendre hari mwa lidunia piya, mujudze iHaɓari Ndjema ha kula shiumbe mwanadamu.

MATIYO 28:5

Ɓadi malayika ile irenge umurongo, iambia watruwashe wale: «Mwasuriye wanyu. Nisujua amba musumuzunguha Insa, ule aka aremwa mizumari hari mwa muri wa pawa.

LUKASI 2:11

Mana leo ini, hari mwa liɗago la Daudu, mudzaliwa Muhuyifu, ne ɗe Kristi, Raɓi watru.