LUKASI 19:10 - Ha`bari Ndjema ya I Maore

¹⁰ Mana uMwana wa Mwanadamu aja azunguhe na uhuyi wao wapotea.»

LUKASI 19:10 Referans Kwoze

MATIYO 1:21

Atsodza mwana mutruɓaɓa, na wawe utsomuhira Insa, mana waye ɗe atsohuyio umati wahe na madhambi yawo.»

MAROMU 5:6

Mana wakati raha karakoshindra itsokao yotsi, hari mwa uwakati wahetsiwa, Kristi afu ha faida ya mashirikina.

MATIYO 15:24

Adjiɓu: «Tsav̄elehwa ha watru wangina neka tsi ɗe ha wa umuraɓa wa Israila, wapotea mauri maɓariɓari.»

LUKASI 15:32

Ɓadi irilazimu rijiv̄iwe na ufurahi, mana mwananyaho aka afu, tsunu aregea hayi, aka apotea, ne aparihana.› »

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

MATIYO 10:6

Ha kinyume, namwendre ha yamaɓariɓari yapotea hari mwa uumati wa Israila.

MATIYO 18:10

«Namudzitahadharishe na uv̄ungua moja hari mwa watiti wanu; mana nisumuambiani amba malayika zawo pev̄oni, ha dahari za maswa na Ɓaɓangu alio pev̄oni. [

MATIYO 18:11

Mana uMwana wa Mwanadamu|Mwana wa Mwanadamu aja ahuyi wapotea.]

YUHANI 3:17

Mana Mungu kav̄eleha uMwana wahe ulemenguni amba auhukumu uãdhiɓilwe, ɓadi ulemengu uhuyiwe ha ndzia yahe.

LUKASI 15:8

«Au mutrumushe mbani neka ana turuturu kumi za marike, ɓasi amba v̄umulatsisha moja, kapatsa kombe, kahundzu inyumba na uzunguha ha djitihadi ata mupaka aipara?