LUKASI 17:6 - Ha`bari Ndjema ya I Maore

⁶ Ɓas Raɓi arongoa: «Na djeli mukana uaminifu mauri mwana mbia mutiti rahana umutiti, mwatsoambia umuri unu: ‹Dzirurumwe, wadzitaɓu ɓaharini›, na uwo utsomutuĩni.»

LUKASI 17:6 Referans Kwoze

MATIYO 17:20

Awadjiɓu: «Mana uaminifu wanyu wa mushashi. Nisumuambiani ha kweli, na djeli mukana uaminifu, wala ukana mutiti mauri ɗe ititi hari mwa zimbia, mwatsoãmurisha mulima unu ulawe v̄ahanu ulio, wendre v̄wangina, na uwo utsendra; kav̄u yotsi yatsomushindraoni.

MATIYO 21:21

Insa awadjiɓu: «Nisumuambiani ha kweli, na djeli mukana uaminifu ɓila taradudu itsokao yotsi, tsi ɓasi amba mwatsofanya zafanyiwa mufigiye ule tu, ɓadi ata mwamoambia mulima unu amba: ‹Dzitowe v̄av̄o, udzipulise ɓaharini›, na izo zatsofanyishiha.

MARKUSI 9:23

Insa amuambia: «Usurongoa amba ‹neka utsoshindra›? Piya umukinishiha ha uwo aaminio.»

LUKASI 13:19

Uwo ufana na mbia titi rahana zititi mutru airenga, aitsanya shambani hahe. Mwana mbia ule ameye, afanyiha koho la muri, na zinyunyi za hawani zifanya makazi marahini hawo.»

1 MAKORINTIYO 13:2

Na neka tsidjaãliwa ineema ya ujudza marongozi ya shi mutrume yashukidziwa, ya ujua piya zisiri, neka tsina piya ujuzi, ata na piya uaminifu ushindrao utsengedze yimilima, ne tsisina mahaɓa, v̄av̄o tsisi shitru.

LUKASI 19:4

Areme mbio andre mbeli, ahea uju na muri pare amuone, mana akojov̄ira v̄ale.

MARKUSI 4:31

Uwo ufana na mbia titi rahana zititi. Mutru amoitaɓu shiv̄andreju mwa tsi, iyo uka titi rahana piya maela yalio duniani.

LUKASI 7:13

Wakati Raɓi amuona, asikwa na poreho na waye, amuambia: «Usulile.»

LUKASI 7:19

Wakati ule ahiri waili, awav̄eleha ha Insa wamudzise: «Hali wawe ɗe mutru akolazimu aje, au rilindre wangina?»

LUKASI 17:7

«Uv̄i mengoni mwanyu neka ana mulimizi au mutsunga, atsomuambiao amolawa malavuni: ‹Haraka uje uɗye?›

MATIYO 14:29

Insa amuambia: «Ko ɓasi!» Sa ile Monye alawa djahazini v̄ale, andre ha ugaɗa yamaji amupare Insa.