LUKASI 17:16 - Ha`bari Ndjema ya I Maore

¹⁶ Awu ha maswa mindruni ha Insa, amuv̄oshelea marahaɓa. Na uwo aka Musamariya.

LUKASI 17:16 Referans Kwoze

MATIYO 10:5

Wanu ɗe kumi na waili Insa awav̄eleha ɓaanda awav̄a ãmuri zini: «Musendre ha watru wa nishani zangina, wala musungiye hari mwa ɗago la Masamariya.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MUV̄ENULIO 5:14

Na ziumbe nne zendza roho zile zakorongoa: «Amina», na uwadzaɗe wale wakosudjudia na uãɓudu.

MUV̄ENULIO 4:10

uwadzaɗe shirini na wanne wale wasusudjudia ule aketsi hari mwa ishiri ya ufalume, wasuãɓudu Monyewe uẽshi ha daima, na ulisha kemba zawo mbeli za ishiri ya ufalume ha urongoa:

MAV̄INGIZI-RISALA 1:8

Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»

YUHANI 4:9

Ɓas, mutrumama Musamariya ule amuambia: «Ha namuna jeje wawe Muyahudi unimiao maji ya unwa, wami mutrumama Musamariya?» Arongoa namuna ile, mana Mayahudi kayakoparana na Masamariya.

YUHANI 8:48

Wakati ule *Mayahudi yamuambia Insa: «Hali karisina haki iv̄o rirongoao amba wawe Musamariya|Samariya, tsena una shetwani?»

YUHANI 5:23

pare watru piya wahishimu uMwana mauri ɗe inamuna wamuhishimuo waye Ɓaɓa. Mutru kahishimu uMwana, v̄av̄o waye kahishimu Ɓaɓa, ule amuv̄eleha.

LUKASI 5:8

Wakati Simoni Monye aona trongo zile, avundzu malondro mbeli za Insa, amwesa amuambia: «Mutukufu, nilawiye, mana wami muãswifu.»

MARKUSI 5:33

Sa ile mutrumama ule angiliwa na faza ata akodridrima, mana ajua izo zamuhidjiria; aja adzivutsu mindruni hahe, amwesa amuambia piya zikweli.

MATIYO 2:11

Wangia moni na inyumba, waono umwana na mayahe Mariama. Sa ile wavundzu malondro, wamusudjudia. Amwesa waɓulia midzo yawo, wamutamania zawadi: dhahaɓu, udi, na marashi ya miru.

LUKASI 17:17

Ɓas, Insa arenge umurongo arongoa: «Hali watru kumi tsi ɗe wazihiriha? Ɓas, shendra waɓaki wa hav̄i?

1 MAKORINTIYO 14:25

siri za iroho yahe zitsov̄enuha. Ha izo atsorema isura v̄otsi, amuãɓudu Mungu na urongoa amba ha kweli Mungu a hari mwanyu.