LUKASI 16:23 - Ha`bari Ndjema ya I Maore

²³ Ha uwafu hule adzua yamatso, na hari mwa uutungu akanawo, rangu mbali amuono Iɓrahima, na Lazaro v̄umoja na waye.

LUKASI 16:23 Referans Kwoze

2 MONYE 2:4

Mana neka Mungu kapukamanisa zimalayika zaka zaãswi, ɓadi aziv̄eleha hari mwa umoro, azipulisa moni na ishidza ya uzimu, v̄ulio amba zifungwa ha ulindrilia hukuma yazo;

LUKASI 16:28

Muv̄elehe ile awatoleye ushahidi, pare wasuje wajau hari mwa v̄ahanu v̄wa matreso v̄anu.›

MATIYO 23:33

Wanyu nyoha, kaɓila yendza sumu! Namuna jeje mutsoshindrao mutrale ishifungo ya umoro wa Djahanama?

MATIYO 18:9

Na neka dzitso laho lihutsongesha ukwale, livoɓowe, ulivutse mbali na wawe; ɓorwa hahoju ungiye hari mwa uhayati mukamilifu na dzitso moja, rahana ukana matso maili, ne uvutswe moni na umoro wa Djahanama.»

MUV̄ENULIO 20:10

Na Iɓilisa akowadanganya ne avutswa moni na lidzaha la moro na vu la shidzaha, v̄ahanu ishinyama mbovu na umushukidziwa-marongozi wa trambo walio. Watsotreswa uku na mutsana ha daima.

LUKASI 8:28

Wakati amuona Insa, alatsa keme, adzivutsu mindruni hahe, amwesa arongoa ha ji lendza nguvu: «Usutsaha unifanyiye trini Insa, Mwana wa Mungu Monyewe Uju rahana Uju? Nisuhutafadali, usunionde.»

MATIYO 5:29

Neka dzitso la hume laho litsongesa upulihe hari mwa dhambi, livoɓowe, ulilatse mbali na wawe, mana iyo ɓorwa hahoju ulatsishiwe na shiga moja, rahana umwili waho mukamili utrilwa moni na umoro wa Djahanama.

MATIYO 5:22

Ɓadi wami nisumujudzani amba mutru yotsi atsojaliao hasera munyahe, alazimu ahukumulwe; na mutru yotsi atsomuambiao munyahe amba waye mupuzi, atsov̄itswa mahakama mbeli za uMungulidzano wa Waɓole|Mungulidzano wa Waɓole; na uwo atsomuambiao munyahe amba waye gedze, atsostahiki mahakama ya umoro wa Djahanama.

1 MAKORINTIYO 15:55

V̄wangina tsena: «Ufa, wa hav̄i ushindrifu waho? Ufa, la hav̄i dzinyo la sumu laho?»

MATIYO 11:23

Ẽhẽ wawe Kafarnaumu, hali utsohedzewa ata mbinguni? Ata hata! Utsoshukidziwa ata uzimu ha uwafu. Mana na djeli zimidjuza zafanyishiha hahoju zika zifanyishiha ɗagoni Suduma, latsoẽshi ata ileo ini.

MATIYO 8:29

Ɓas, waandrisa ulatsa keme na urongoa: «Usuritsaha na trini, wawe Mwana wa Mungu? Uja v̄anu uritrese kaɓula raha wakati kawapara?»

LUKASI 16:24

Ashelemedza: ‹Iɓrahima, Ɓaɓa, niv̄orehe, umuv̄elehe Lazaro apahise itsa ya isha yahe majini, aje anihombese ulimi, mana nisuondesheha jengeni v̄anu.›