LUKASI 16:15 - Ha`bari Ndjema ya I Maore

¹⁵ Ɓadi Insa awaambia: «Wanyu watru watsahao waonehane amba warahara mbeli za wanadamu, ɓadi Mungu ujua roho zanyu. Mana iyo iliona sheo mbeli za uwanadamu, ilaãnishiha mbeli za Mungu.»

LUKASI 16:15 Referans Kwoze

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

MAV̄INGIZI-RISALA 15:8

Na Mungu ajuao ziroho, adhiɓitisha amba awakuɓali ha uwav̄a iRoho Ndzitwaharifu, mauri ɗe wasi.

1 MONYE 3:4

ɓadi nauke wa moni wa utru wanyu, ustawivu kaukomo wa roho makini yendza utrulivu. Iyo ɗe itrongo ikao na faida ɓole mbeli za Mungu.

LUKASI 11:39

Ɓadi Raɓi amuambia: «Wanyu Mafarisayo, wanyu utwaharisha iv̄ondze ya shikombe na sahani, na v̄ale moni hanyu v̄ujaya udhuluma na uovu.

LUKASI 10:29

Ɓadi ɓaanda akotsaha adziv̄e haki, amuambia Insa: «Ɓasi munyangu ɗe uv̄i?»

MUV̄ENULIO 2:23

Nitsoangamidza wana wahe ha uwaula. Na piya ziDjama Ndziwaminifu zitsojua amba wami ɗe nitsungiyao zifikira na ziroho, tsena nitsov̄a kula moja hari mwanyu ulawana na zitrendro zahe.

1 MONYE 5:5

Wanyu wajau mashaɓaɓi, namudzituĩse ha uwaɓole. Piyanyu hari mwa maendreleo yanyu wanyu na wanyu, namudziɓangise uwekevu, mana v̄uangihwa: «Mungu waye kinyume na wao wadzionao, ɓadi waye udjaãlia urehema wahe ha waekevu.»

MAROMU 3:20

Kweli amba kav̄u ata mutru atsohakishiao mbeli za Mungu ha zizitrendro zatsahwa na iSharia. Mana iSharia, iyo uonesa lidhambi ɓas.

YUHANI 2:25

Kayaka amba paka ajudziwe hali za mwanadamu, mana waye-waye akojua zilio moni ha mwanadamu.

MATIYO 23:5

Wao ufanya piya zitrendro zawo ile waonehane na wanadamu. Ha izo, mifungo yiliona miangishio mitwaharifu yawo, wao uyifanya amba miɓole, na mav̄wendzi ya nguo zawo uka male.

LUKASI 18:21

Mutru ule amudjiɓu: «Tsiɗungu piya trongo izo rangu unahirimuni hangu.»

LUKASI 18:11

Mufarisayo ule ahimi v̄ale, akofanya mamilio yanu rohoni hahe: ‹Mwalangu, nisuhuhimidia ha iv̄o tsisi mauri ɗe watru wasalia walio waidzi, wa peu, wazindzi, au mauri ɗe muliv̄isa-latete ule.

MAV̄INGIZI-RISALA 1:18

(Mutru uwo anunua shamba ha yamanufa ya ishitrendrwa mbovu yahe. Awu ha maswa, apasuha imimba, ata marumbo yahe yafoɓoha.

LUKASI 20:47

Wao urav̄a piya zindjema za watruwashe wafiliwa na waume wawo, amwesa ufanya swala ndrile pare waonehane. Mahukuma yawo yatsoka madziro zaidi.»

LUKASI 20:20

V̄ale waka ju la umutunda Insa ha uzuri. Ɓas, wav̄eleha watru wakodzifanya amba warahara ha utsaha wamulimbiye utra, wamusike na kosa hari mwa marongozi yahe, ile wamuv̄elehe ha monyewe iyezi na ushindzi wa liɓavu lile.

MATIYO 6:16

«Mwamofunga, musudzirembedze mauri ɗe wanafiki; wao ugaudza sura zawo, ile waonese watru amba wafungu. Nisumuambiani ha kweli, v̄av̄o kamwe wapara thawaɓu zawo.

MATIYO 6:5

«Mwamofanya mamilio, musufanye mauri ɗe uwanafiki wav̄endzao umia ha ulimbala moni na ziNyumba za Uswali na hari mwa zinia-traru pare wanadamu wawaone. Nisumuambiani ha kweli, v̄ale kamwe wapara thawaɓu zawo.

MATIYO 6:2

Neka usutoa zaka, usudzivudziye ɓaragumu mauri ɗe inamuna wanafiki wafanyao moni na ziNyumba za Uswali na mav̄areni, ile wasifiwe na wanadamu. Nisumuambiani ha kweli, v̄ale kamwe wapara thawaɓu zawo.

YUHANI 21:17

Amuambia ha mara ya raru: «Simoni, mwana wa Yunasi, usuniv̄endza?» Sa ile Monye aremwa na huzuni iv̄o amudzisa ha mara ya raru: «Hali usuniv̄endza?» Amudjiɓu: «Raɓi, wawe ujua piya trongo. Usujua amba nisuhuv̄endza.» Insa amuambia: «Tsunga maɓariɓari yangu.

LUKASI 18:9

Atoa tsena mufano unu ha wale wakodzirendra amba warahara, amwesa wakov̄ungua wasalia:

LUKASI 18:14

Ɓasi nisumuambiani, mutru unu aregea hahe amba akuɓaliwa mbeli za Mungu rahana moja ule. Mana yotsi adzihedzao, atsoshukidziwa, na uwo adzishukidzao, atsohedzewa.»

MAV̄INGIZI-RISALA 1:24

Amwesa wamia Mungu zini: «Mwalatru, wawe ujuao zilio rohoni ha piya wanadamu, rionese hari mwa watru waili wao uwo wamutsahua,

MAROMU 8:27

Na Monyewe aonao zilio moni na umo asujua zinia za iRoho, mana ɗe ha uɗunga yamav̄endzeleo ya Mungu ɗe imiliao watwaharifu.