LUKASI 16:10 - Ha`bari Ndjema ya I Maore

¹⁰ Monyewe uka muaminifu hari mwa trongo ititi, waye uka muaminifu hari mwa iɓole; na mutru karahatsiha hari mwa trongo ititi, waye karahatsiha hari mwa iɓole.

LUKASI 16:10 Referans Kwoze

MATIYO 25:21

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

LUKASI 19:17

Amuambia: ‹Ufanya fetre, wawe murumizi mwema. Ha iv̄o waonesa uaminifu hari mwa trongo shashi, usuv̄olwa yezi hari mwa malago kumi.›

MATIYO 25:23

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MAHEƁRANIYA 3:2

Aka muaminifu ha Uwo amuhetsi, mauri ɗe inamuna Musa aka hari mwa piya umuraɓa wa Mungu.

YUHANI 12:6

Akorongoa trongo ile tsi amba masikini zakomutria shuhuli, ɓadi ɗe iv̄o aka mwidzi, na iv̄o akosika umuzeti wa marike, akorenga zakotrilwa moni.

YUHANI 13:27

Urenga yahe likutru, na Shetwani amungia kamwe. Ɓas Insa amuambia: «Trongo wendrao uifanye, ifanye ha uharaka.»

YUHANI 13:2

Na v̄ale, wakati wa shahula ya mahariɓi, Iɓilisa madza aka atria rohoni ha Yudasi Iskarioti, mwana wa Simoni, ifikira ya umuv̄iria nyuma.

MATIYO 24:45

«Uv̄i ɗe murumizi muaminifu mwendza hikima murumisa wahe amudhwaminisha muraɓa wahe, av̄e zahula watru wahe wakati walazimu?