LUKASI 14:21 - Ha`bari Ndjema ya I Maore

²¹ Murumizi ule uregea yahe, av̄ingi piya mahaɓari yale ha murumisa wahe. Ɓas, monyewe ɗagoni v̄ale atukiwa, amuambia murumizi wahe ule: ‹Endra haraka hari mwa yamav̄are na zindzia za liɗago, warenge zimasikini, wendza zifeli, wafa-matso, na yamagoɓo, uwav̄inge.›

LUKASI 14:21 Referans Kwoze

LUKASI 14:13

Ɓadi wamopiha karamu, kariɓisa zimasikini, wendza zifeli, magoɓo, na wafa-matso.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

MATIYO 11:5

wafa-matso wasuona, magoɓo yasurengelea uendra, waenefu wasutwaharishiha, wafa-makio wasukia, wafu wasuregezewa hayi, na iHaɓari Ndjema isujudziwa zimasikini.

YUHANI 9:39

Ɓas Insa arongoa: «Tsija ulemenguni v̄anu pare hukuma ike: ile wao kawaono, waone, na wao waonao, wafanyihe wafa-matso.»

LUKASI 14:24

Mana nisumuambiani, kav̄u ata moja hari mwa wale walalihwa atsolauliao ikaramu yangu.› »

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

MUV̄ENULIO 22:17

iRoho na umushe-harusi wasurongoa: «Ko!» Uwo akiao narongowe: «Ko!» Mwendza nyora naje; uwo atsahao, narenge maji ya uhayati, ɓila uliv̄a.

MUV̄ENULIO 19:15

Hanyoni hahe v̄ulawa upanga utsindzao, ile ha uwo areme zinishani. Atsoziv̄inga zirundriye ha tsimbo ya shuma na utseresa zizaɓiɓu za iɓirika yav̄inga ihadhaɓu ɓole ya Mungu Monyewe Ushindzi.

MAHEƁRANIYA 13:17

Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

LUKASI 24:47

Na itrongo ya uendra toɓa na yamadhambi yaswamihiwa, zilazimu zijudziwe ha lidzina lahe ha piya zinishani, uandrisa rangu Yerusalemu.

MATIYO 11:28

Namunijiliye wanyu piya mwalemewa na mudzo mudziro, na wami nitsomuv̄ani uv̄umuzi.

LUKASI 9:10

yaMav̄ingizi-Risala uregea yawo, wamuambia Insa piya trongo wazifanya. Ɓas awarenge, amwesa wadzivuru ɗe wao tu mukaɓala wa ɗago lihiriwao Ɓaitisaida.

MATIYO 18:31

Wanyahe uona yawo zahidjiri v̄ale, waremwa na hamu ha kusudi, ata wandre wamuambia murumisa wawo piya trongo zav̄ira.

MATIYO 15:12

Ɓas, maswihaɓa yahe yamujilia, yamuambia: «Saɓu ujua amba watru wa ishama ya Mafarisayo watukiwa rohoni iv̄o wakia urongozi waho ule?»

LUKASI 14:20

Na wangina tsena amuambia: ‹Wami tsilawa ufungia. Iyo ɗe imana tsitsopara naja.›

LUKASI 14:22

Ɓaanda ya v̄ale murumizi ule aja arongoa: ‹Mutukufu, trongo wakotsaha zifanyiwe, zifanyiwa, amwesa v̄uɓaki tsena maɓandza.›

MATIYO 20:7

Wamudjiɓu: ‹Mana kav̄u mutru arirenga hazini.› Awaambia: ‹Wanyu wajau, namwendre hari mwa ishunga ya mizaɓiɓu yangu.›