LUKASI 13:21 - Ha`bari Ndjema ya I Maore

²¹ Uwo ufana na lalive mutrumama airenga, aitria hari mwa ziv̄imo traru za ngano, pare piya umuhare ule ufumuhe.»

LUKASI 13:21 Referans Kwoze

MATIYO 13:33

Insa awatolea raha mufano wangina unu: «Utawalizi wa Monyewe ziMbingu ukiri ufanisiwa na lalive mutrumama airenga aitsanganisa na ziv̄imo traru za ngano, ata ifumuhe piya.»

1 MAKORINTIYO 5:6

Kaina ata mana wanyu udziona. Hali kamusujua amba mwana lalive mutiti ushindra afumuwe piya uunga wa muhare?

YAKOƁU 1:21

Ɓasi v̄av̄o namudziɓause na kula tsama, na kula uyi watupa mupaka, murenge ha utaratiɓu uUrongozi ulio amba utaɓilwa moni hanyu, tsena ushindrao uhuyi roho zanyu.

MAFILIPI 1:6

Tsina yakini na itrongo ini, amba Monyewe uandrisa hazi ndzuzuri iyo moni hanyu, atsoendrelea ha uikamilisha mupaka isuku ya umuregeo wa Kristi-Insa.

YUHANI 15:2

Kula trahi hanguju kalisudza mavuna, waye ulitoa, na kula lidzao mavuna, waye uliav̄usa, pare lizidi udza.

YUHANI 4:14

Ɓadi uwo atsonwao yamaji nitsomuv̄aoyo, katsoona nyora ata idahari. Mana yamaji nitsomuv̄aoyo yatsoka haheju dzitso litriao maji ya uhayati mukamilifu wa daima.»

LUKASI 13:20

Insa arongoa tsena: «Utawalizi wa Mungu, nitsoufanisa na trini?