LUKASI 13:16 - Ha`bari Ndjema ya I Maore

¹⁶ Na mutrumama unu alio shilembwe ya Iɓrahima, aka afungwa na Shetwani muda wa maha kumi na minane, kayaka yalazimu aɓuliwa hari mwa shifungo ini Suku ya Uv̄umuzi?»

LUKASI 13:16 Referans Kwoze

MARKUSI 2:27

Amwesa awaambia raha: «iSuku ya Uv̄umuzi ifanyiwa ya mwanadamu, ɓadi tsi mwanadamu amba wa iSuku ya Uv̄umuzi.

2 TIMUTAUSU 2:26

V̄av̄o watsorudi warengeleye fikira, watraliye marambwi ya Iɓilisa aka awasika amba watuĩ mav̄endzeleo yahe.

MAV̄INGIZI-RISALA 13:26

He wananyangu, wanyu zilembwe za Iɓrahima na wanyu mumuriao Mungu, ɗe hanyuju ɗe urongozi wa uhuyifu uwo wav̄elehwa.

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

LUKASI 19:9

Sa ile Insa amuambia: «Leo uwokovu ungia muraɓani v̄anu, ha siɓaɓu amba unu wajau shilembwe ya Iɓrahima.

LUKASI 3:8

Namuv̄enuwe mavuna yastahiki watru wandra toɓa, wala musuketsi mwadziambia amba: ‹Wasi rina Iɓrahima amba mudzaɗe watru.› Mana nisumuambiani, ata hari mwa yamawe yanu, ne Mungu ushindrotoa zilembwe za Iɓrahima.

MATIYO 4:10

Sa ile Insa amuambia: «Lawa v̄anu Shetwani! Mana v̄uangihwa: ‹Utsomuãɓudu Mwalaho Monyezi Mungu, na umurumishia ɗe waye tu ɓas.› »

LUKASI 16:24

Ashelemedza: ‹Iɓrahima, Ɓaɓa, niv̄orehe, umuv̄elehe Lazaro apahise itsa ya isha yahe majini, aje anihombese ulimi, mana nisuondesheha jengeni v̄anu.›