LUKASI 12:1 - Ha`bari Ndjema ya I Maore

¹ Moni v̄ale v̄uka v̄ungulidzana mialifu na mialifu ya wanadamu, ha namuna amba ata wakogaɗana. V̄ale Insa arenge umurongo, aambia ɗe maswihaɓa yahe: «Kaɓula ya trongo piya, namudzifahamishe na ilalive ya Mafarisayo, ilio amba ɗe unafiki.

LUKASI 12:1 Referans Kwoze

1 MONYE 2:1

Namutsuwe ɓasi kula uovu, kula udangamanyifu, unafiki, uwivu, na kula musingidzio.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

LUKASI 12:56

Wanyu wanafiki! Wanyu ushindroelewa zihali za ishiv̄andre ya tsi na za uwingu. Ɓasi manatrini ata kamusushindra mwaelewa wakati unu?»

1 MAKORINTIYO 15:3

Mana kaɓula ya trongo piya, tsimuv̄ani izo nazipara wami-wami, ne ɗe amba: Kristi afu ha siɓaɓu ya madhambi yatru, mauri ɗe iheli yiMiangishio Mitwaharifu yarongoa.

MAV̄INGIZI-RISALA 21:20

Ɓaanda wamukia, wamutukuza Mungu, amwesa wamuambia Ɓaulusu: «Usuona, mwananyatru, amba mialifu na mialifu ya Mayahudi waja waamini, na piyawo wana djitihadi na iSharia.

LUKASI 11:44

Maondo hanyuju! Mana mwa mauri mahaɓuri yafitsiha amba watru uyagada, wala kawaji.»

LUKASI 6:17

Ashuku na wao, ata amopara ɓandraju, azia. Na hule v̄uka dunia ya watru wahe, tsena dunia nyengi ya piya iYudeya, Yerusalemu, na ziɓandari za Tiro na Sidoni.

LUKASI 5:15

Ɓas, v̄ale sifa za Insa zakwendra na uenea. Dunia ha uwengi yakoja imuvulishiye na uzihiriwa mawaɗe yawo.

LUKASI 5:1

V̄uka suku Insa aka wangoni mwa lidzia la maji la Genesareti. Dunia ya watru ika imuzingidzia ivulikiye urongozi wa Mungu.

MAHEƁRANIYA 12:22

Ɓadi mujilia uMulima wa Siyuna|Mulima wa Siyuna na liɗago la Mungu alio hayi, iYerusalemu ya shipev̄oni, v̄ahanu v̄ulio amba mialifu na mialifu za malayika zingulidzana ha mufurahishio,