LUKASI 11:41 - Ha`bari Ndjema ya I Maore

⁴¹ Ɓasi namutowe zaka izo zilio moni, na piya zitsotwaharishiha hanyuju.

LUKASI 11:41 Referans Kwoze

LUKASI 12:33

Namuudze mali zanyu, zifaida muzitowe zaka. Namudzifanyiye mifuko ya marike kayikomoha, utadjirifu kaushashiha pev̄oni v̄ahanu mwidzi kav̄ukuruɓia, wala ɓiɓi kalimenye.

YAKOƁU 1:27

iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.

TITUSA 1:15

Kula shitru ndziraharifu ha wao walio waraharifu, ɓadi kav̄usi yarahara ha wao waliona utshafi, amwesa kawana uaminifu; ãkili yawo na likoho la unamuzi lawo zingia utshafi.

MAHEƁRANIYA 13:16

Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.

MAV̄INGIZI-RISALA 10:15

Ha mara ya v̄ili tsena liji lile limuambia: «Izo Mungu azitwaharisha, usuzione nagisi.»

LUKASI 16:9

Ɓasi wami nisumuambiani, namudzifanyiye wandzani ha imali ya lidunia lini, ile pare zamomulawiani, murengwe hari mwa makao ya daima.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

2 MAKORINTIYO 8:12

Mana ushauku muɓole wamoka, uwo ukuɓalishiha ulingana na iyo mutru alionayo, ɓadi tsi na iyo mutru kasina.

LUKASI 19:8

Ɓadi Zakayi ahimi mbeli za Raɓi, amuambia: «Mutukufu, tsami nisurenga inusu ya mali zangu, niiv̄e zimasikini. Na mutru yotsi atsokao amba tsimudanganya, nitsomuregezea shitru yahe ata mara nne.»

LUKASI 18:22

Insa wakati akia trongo zile, amuambia: «V̄uhuɓakia tsena trongo moja: udza piya izo ulionazo, uanisiye zimasikini, na v̄av̄o utsokana utadjirifu pev̄oni. Amwesa uje uniɗunge.»

MATIYO 5:42

Mutru ahumiao, muv̄e, na uwo atsahao umuazime, usumuharaliye.»

MAEFESO 4:28

Uwo ahiɓao, asuhiɓe tsena; nadzirume ha ufanya hazi ya kweli ha mihono yahe monyewe, ile akane ya uv̄a uwo akosewa.

MAV̄INGIZI-RISALA 11:29

Ɓas maswihaɓa warenge ãzima amba kula mutru ha inamuna akoshindra, av̄elehe musada ha wanyawo waaminifu waka Yudeya.

MATIYO 26:11

Mana ha daima mutsokana masikini v̄umoja na wanyu, ɓadi wami, kamutsokana wami dahari.

MAV̄INGIZI-RISALA 24:17

Ɓaanda ilio amba maha mengi tsaka, tsiregea niv̄inge zaka nishani yangu na utoa masadaka.

MARKUSI 7:19

Mana iyo kaingia rohoni hahe, ɓadi mimbani hahe, amwesa ulawa mwilini hahe.» Ha izo, ajudza amba piya zahula halali.