LUKASI 11:1 - Ha`bari Ndjema ya I Maore

¹ Suku Insa aka v̄ahanu, akofanya mamilio. Umalidza yahe, moja mengoni mwa maswihaɓa yahe amuambia: «Raɓi, risomedze namuna ya ufanya mamilio, mauri ɗe Yahaya namuna asomedza maswihaɓa yahe.»

LUKASI 11:1 Referans Kwoze

YUDA 1:20

Ɓadi wanyu wav̄endzewa, namudziundre hari mwa uaminifu wazidi utwaharifu wanyu, mufanye mamilio ha iRoho Ndzitwaharifu,

LUKASI 6:12

Wakati ule Insa andre mulimani afanye mamilio, av̄itsi piya uku hari mwa mamilio Mungu yahe.

LUKASI 9:18

V̄uka suku, Insa adzivuru amiye Mungu, na maswihaɓa yahe yaka na waye. Ɓas awadzisa: «Watru wasurongoa amba wami ɗe mbani?»

MAHEƁRANIYA 5:7

Uka yahe ha shimwili, av̄eleha mamilio na mirayilio ha shililo ɓole na matsozi ha Uwo akoshindra amuhuyi na ufa; na waye atakaɓaliwa ha siɓaɓu ya utuĩvu wahe.

LUKASI 9:28

Mukaɓala wa suku nane ɓaanda ya marongozi yale, Insa amurenge Monye, Yuhani na Yakoɓu, ahea mulimani afanye mamilio.

LUKASI 7:13

Wakati Raɓi amuona, asikwa na poreho na waye, amuambia: «Usulile.»

LUKASI 7:19

Wakati ule ahiri waili, awav̄eleha ha Insa wamudzise: «Hali wawe ɗe mutru akolazimu aje, au rilindre wangina?»

LUKASI 10:42

Trongo moja tu ɗe yalazimu. Mariama atsahua lifungu djema lilio amba katsorengewalo.»

LUKASI 11:2

Sa ile awaambia: «Mwamofanya mamilio, namurongowe: ‹Ɓaɓa, dzina laho nalitukuzihe, utawalizi waho nauje.