LUKASI 1:66 - Ha`bari Ndjema ya I Maore

⁶⁶ Na piya wale wazikia, wazisiki rohoni hawo, amwesa wakorongoa: «V̄av̄o mwana uwo atsoka jeje?» Mana kweli ushindzi wa Mola uka v̄umoja na waye.

LUKASI 1:66 Referans Kwoze

MAV̄INGIZI-RISALA 11:21

Ushindzi wa Raɓi uka v̄umoja na wao, ata wengi waamini, ziroho zawo zigauha ha Raɓi.

LUKASI 2:51

Amwesa awaɗungu, washuku Nazareti, na waye akowatuĩ. Mayahe asiki piya trongo zile rohoni.

LUKASI 2:19

Mariama v̄ahe asiki piya trongo zile rohoni, akwendra na uzifikiri moni hahe.

LUKASI 9:44

«Ɓadi wanyu, namuvulishiye ha uzuri zini: uMwana wa Mwanadamu asondrov̄elehwa mihononi ha uwanadamu.»

LUKASI 2:40

Na umwana ule akohua na uhodarishiha; ajaya hikima, na urehema wa Mungu uka ju lahe.

LUKASI 1:80

Na umwana akohua na uhodarishiha iroho. Amwesa aɓaki mav̄adzani hule, ata isuku adziv̄eleha mbeli na iIsraila.

MAKOLOSIYA 1:5

Iyo ha siɓaɓu ya itama mwalishiwayo pev̄oni, ilio amba muikia nyuma oho ha urongozi wa ikweli, ne ɗe iIndjili.