LUKASI 1:6 - Ha`bari Ndjema ya I Maore

⁶ Wao waili waka watuĩvu mbeli za Mungu, tsena hari mwa itrongo ya uɗunga piya ziãmuri na yamasharuti ya Mola, kawakana lawama itsokao yotsi.

LUKASI 1:6 Referans Kwoze

MAFILIPI 2:15

ile musuparihane na tuhuma, ɓadi muke watru warahara, wana wa Mungu kawasina pandra mbeli za lidunia ɓovu dziãswifu lini, lilio amba moni halo musuwala mauri mwenge hari mwa ulemengu,

MAV̄INGIZI-RISALA 24:16

Iyo ɗe imana nidzifarudhishao amba ha dahari roho yangu irahare mbeli za Mungu na mbeli za wanadamu.

1 MATESALONIKA 3:13

Nahodarishe roho zanyu ile zike ɓila tuhuma hari mwa utwaharifu mbeli za Mungu watru amma Ɓaɓa, wakati wa umujilio wa Raɓi watru Insa v̄umoja na piya watwaharifu wahe.

1 YUHANI 2:3

Na ha ini ɗe rijuao amba risumujua: ɗe wasi usika ãmuri zahe.

2 MONYE 3:14

Ha izo wav̄endzewa wangu, iv̄o mulindrao trongo zizo, namufanye djitihadi muparihanihe na waye ɓila pandra wala kosa hari mwa amani.

1 YUHANI 3:7

Wana wangu, v̄usuke ata mutru amupotezani. Uwo arendrao uhaki, waye mwendza haki, mauri waye Insa-Kristi, namuna alio wa haki.

1 YUHANI 2:29

Neka musujua amba waye mwendza haki, namujuwe amba yotsi arendrao uhaki, uwo adzalishiha shi waye.

MAKOLOSIYA 1:22

av̄asa amuparanisani ha ufa wa umwili wa shiuɓinadamu wahe, ile amuyeleheni mbeli zahe amba watwaharifu, ɓila kosa wala tuhuma.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

1 MAKORINTIYO 11:2

Nisumusifuni iv̄o muninahanao hari mwa piya zitrongo na usika yimisomo mauri ɗe inamuna namuv̄aniyo.

MAV̄INGIZI-RISALA 23:1

Wakati ule Ɓaulusu areme matso uMungulidzano wa Waɓole|Mungulidzano wa Waɓole, amwesa arongoa: «Wananyangu, ɗe ha roho yarahara mbeli za Mungu ɗe nadziv̄inga ata upara ileo ini.»

LUKASI 16:15

Ɓadi Insa awaambia: «Wanyu watru watsahao waonehane amba warahara mbeli za wanadamu, ɓadi Mungu ujua roho zanyu. Mana iyo iliona sheo mbeli za uwanadamu, ilaãnishiha mbeli za Mungu.»

LUKASI 1:7

Kawakana mwana, mana Elizabeti kakana ndzao, amwesa wao waili wakana maha mengi.

LUKASI 2:25

Na v̄ale v̄uka mutru ɗagoni Yerusalemu akohiriwa Simeona; aka mutru mutuĩvu mwendza djitihadi na zitrongo za Mungu, amwesa akositamia ukombozi wa Israila; tsena iRoho Ndzitwaharifu ika na waye.

MAV̄INGIZI-RISALA 2:25

Mana ulawana na waye Daudu arongoa: « ‹Ha daima nakomuona Raɓi mbeli zangu, mana a humeni hangu, ile nasuv̄atsuhe.

MAV̄INGIZI-RISALA 8:21

Kusina fungu wala mupario hari mwa trongo ini, mana iroho yaho kayaondzoha mbeli za Mungu.

MAROMU 8:4

ile pare ihaki yatsahwa na iSharia itsimidzihe hatruju, wasi rilio amba karisuɗunga maendreleo ya hali ya shiuɓinadamu, ɓadi ya shi Roho.