LUKASI 1:2 - Ha`bari Ndjema ya I Maore

² Waziv̄ingi ha inamuna rajudziwazo na wao wazishuhudia ha yamatso yawo rangu umwandro wazo, tsena waja wafanyishiha warumishi wa uUrongozi.

LUKASI 1:2 Referans Kwoze

YUHANI 15:27

Na wanyu wajau mutsolawa ushahidi, mana mwa na wami rangu umwandro.»

MAV̄INGIZI-RISALA 26:16

V̄av̄o hima ulimbale, mana tsihuv̄enushia ile nihufanye murumishi na shahidi wa izo waona na izo nitsohuonesao.

2 MONYE 1:16

Kweli amba tsi ha uɗunga mahadisi yatrungwa ɗe ramujudzani ushindzi na umujilio wa Raɓi watru Insa-Kristi, ɓadi rishuhudia ha matso yatru utukufu wahe.

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

MARKUSI 1:1

Tsunu umwandro wa iIndjili yapatana na Insa-Kristi|Kristi, Mwana wa Mungu.

MAV̄INGIZI-RISALA 1:3

Ɓaanda aondesheha, awaonesa ha udhiɓitifu mwengi amba a hayi. Awav̄enushia hari mwa muda wa suku aruɓaini, na urongoa trongo zapatana na uUtawalizi wa Mungu.

1 MONYE 5:1

Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

MAV̄INGIZI-RISALA 4:20

mana wasi karishindri amba rasurongowe zitrongo razishuhudia na uzikia.»

LUKASI 24:48

Wanyu mwa mazahidi wa trongo zizo.

1 MAKORINTIYO 4:1

Ha izo, watru nawarione amba warumishi wa Kristi, madhwamana ya zisiri za Mungu.

MAV̄INGIZI-RISALA 1:8

Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»

MARKUSI 4:14

Mutsanyizi-maela ule utsanya urongozi wa Mungu.

MAROMU 15:16

Anidjaãlia ineema ya uka murumishi wa Kristi-Insa ha zinishani zangina. iHazi nadjukumisiwayo ya utolezi masadaka, ɗe ujudza iIndjili ya Mungu, ile watru wa zinishani zangina wake sadaka lakuɓalishiwa na Mungu, latwaharishiwa na iRoho Ndzitwaharifu.

MARKUSI 16:20

Na wao walawa wajudze iHaɓari Ndjema kula v̄ahanu. Raɓi akofanya hazi v̄umoja na wao, na udhiɓitisha marongozi yao ha ziãlama za midjuza zakoyaɗunga.]

YUHANI 16:4

Tsimuambiani trongo zizo, pare wakati wamoja, munahane amba tsimuambianizo.» «Ɓadi tsamuambianizo rangu mwandro, mana tsika na wanyu.

MAV̄INGIZI-RISALA 8:4

Ɓas, watru waka watsambadziha, wakwendra na ujudza iHaɓari Ndjema.

MAV̄INGIZI-RISALA 14:25

Wajudza Urongozi wa Mungu ɗagoni Perga, amwesa washuku Ataliya.

MAV̄INGIZI-RISALA 16:6

Ɓaanda waɓalidziwa na iRoho Ndzitwaharifu wasujudze uUrongozi hari mwa iAziya, wav̄iria liɓavu la Frugiya na Galatwiya.

MAV̄INGIZI-RISALA 17:11

Watru wao waka hairi rahana wa Tesalonika wale. Warenge uUrongozi wa iRisala|Risala ha djitihadi ɓole, tsena kula suku wakotwali yiMiangishio Mitwaharifu ha udhiɓitisha zile wakoambilwazo.