LUKASI 1:17 - Ha`bari Ndjema ya I Maore

¹⁷ Atsomutrangulia ha iroho na ushindzi wa Eliya, ile agaudze roho za maɓaɓa ha uwana, na wakaidi ha ihikima ya watuĩvu, ile amurengeledzeye Mola umati watayarishiwa.»

LUKASI 1:17 Referans Kwoze

MATIYO 11:14

Na neka musutsaha mukuɓali, waye ɗe Eliya aka alazimu aje.

LUKASI 1:76

Na wawe mwana, utsohiriwa mutrume wa Monyewe Uju rahana Uju, mana utsomutrangulia Raɓi umutayarishe zindzia zahe,

YUHANI 3:28

Wanyu-wanyu mwa mazahidi amba tsirongoa: ‹Wami tsi ɗe uMutsahuliwa|Mutsahuliwa, ɓadi tsiv̄elehwa nimutranguliye.›

MUV̄ENULIO 20:4

Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

MAKOLOSIYA 1:12

Namumuhimidiye Ɓaɓatru Mungu amushindrisani ustahiki upara fungu hari mwa umwaratha wa watwaharifu hari mwa iheu.

2 TIMUTAUSU 2:21

Ɓasi neka mutru asudzirahatsa ha udziɓausa na trongo zizo, atsoka shiya ya urumishi wa sheo, yatwaharishiwa, imufayio Monyewe, tayari ya kula urumishi mwema.

MAROMU 9:23

Au tsena, neka atsaha aonese utadjirifu wa utukufu wahe ha ziziya za urehema azitayarisha rangu kaɓula amba zike za utukufu?

MAV̄INGIZI-RISALA 10:33

Sa ile kamwe tsihuv̄eleshea watru waje wahuhire, na ufanya fetre iv̄o waja. Ɓasi av̄asav̄anu tsasi, piyasi ra v̄anu mbeli za Mungu, ile rivulishiye piya zizo Mola ahuãmurishazo uriambiye.»

YUHANI 1:34

Na wami tsiono, tsena tsilawa ushahidi amba waye ɗe uMwana wa Mungu.»

YUHANI 1:13

walio amba wadzalwa tsi ha shimwanadamu, wala tsi ha shahawa ya umwili, wala tsi ha yamav̄endzeleo ya mwanadamu, ɓadi wadzalwa ha iwaye yahe Mungu.

LUKASI 1:16

Atsov̄inga wengi wa uwana wa Israila ha Mola, Mungu wawo.

MATIYO 14:4

mana Yahaya aka amurudi na itrongo ya waye urenga mutrumushe wa mwananyahe mutruɓaɓa ule.

1 YUHANI 2:28

Av̄asav̄anu wana wangu, namuɓaki hari mwa uv̄umoja na waye, ile pare wakati yotsi atsov̄enuhao, rikane yakini, tsena v̄wasuke ata aĩɓu moja yariɓausa na waye suku ya muv̄enulio wahe.

MATIYO 3:4

Yahaya akana nguo ya madzivuzi ya ngamia, na mukandra wa ngwezi trengaju. Akoɗya maɗatra na ngizi ya nyoshi.

MATIYO 3:3

Yahaya ɗe mutru alio amba mutrume Izaya akomurongoa hari mwa marongozi yahe yanu ashukidziwayo: «Tsilini liji la mutru ashelemedzao padzaju: ‹Namutayarishe indzia ya Mola, muondzowe wana ndzia wahe!› »